ಮಂಗಳೂರು: 'ಪಾಪ್ಯುಲರ್ ಕ್ರಿಯೇಟರ್ ಬ್ಯಾರ್ಜ್' ಬಿರುದು ತಮ್ಮದಾಗಿಸಿಕೊಂಡ ಅಕ್ಷತಾ ಶೆಟ್ಟಿಗಾರ್

•   Thu, Dec 05 2019 12:59:43 PM



• ಮಂಗಳೂರು, ಡಿ 05 (Daijiworld News/MB): ಟಿಕ್ ಟಾಕ್ ಆ್ಯಫ್ ಮತ್ತು ವಿಗೊ ವಿಡಿಯೊ ಆ್ಯಫ್ ನಲ್ಲಿ "ಪಾಪ್ಯುಲರ್ ಕ್ರಿಯೇಟರ್ ಬ್ಯಾರ್ಜ್" ಎಂಬ ಬಿರುದನ್ನು ಮಂಗಳೂರಿನ ಅಕ್ಷತಾ ಶೆಟ್ಟಿಗಾರ್ ತಮ್ಮದಾಗಿಸಿಕೊಂಡಿದ್ದಾರೆ.

  

  

  "ಪಾಪ್ಯುಲರ್ ಕ್ರಿಯೇಟರ್ ಬ್ಯಾರ್ಜ್" ಎಂಬ ಬಿರುದು ಪಡೆದ ಮಂಗಳೂರಿನ ಮೊದಲ ಪ್ರತಿಭೆ ಅಕ್ಷತಾ ಶೆಟ್ಟಿಗಾರ್ ಅವರಿಗೆ ಮಂಗಳೂರಿನಲ್ಲಿ ಸ್ನೇಹಿತರಿಂದ ಅಭಿನಂದನಾ ಕಾರ್ಯಕ್ರಮ ನಡೆಯಿತು.

  ಕಾರ್ಯಕ್ರಮದಲ್ಲಿ ಈ ಬಗ್ಗೆ ಪ್ರತಿಕ್ರಿಯಿಸಿದ ಅಕ್ಷತಾ ಅವರು, ಕಳೆದ ಒಂದೂವರೆ ವರ್ಷಗಳಿಂದ ಟಿಕ್ ಟಾಕ್ ಮತ್ತು ವಿಗೊ ವಿಡಿಯೋ ಆ್ಯಫ್ ಮೂಲಕ ಜನರಿಗೆ ಮನರಂಜನೆ ಮಾತ್ರವಲ್ಲದೆ ವಿವಿಧ ಸಾಮಾಜಿಕ ಜಾಗೃತಿ ಸೇರಿದಂತೆ ಹತ್ತು ಹಲವು ವಿಡಿಯೋಗಳನ್ನು ಮಾಡುತಿದ್ದೆ. ಈ ಪ್ರತಿಭೆಯನ್ನು ಗುರುತಿಸಿದ ಆ್ಯಫ್ ಮುಖ್ಯಸ್ಥರು ಬಿರುದನ್ನು ನೀಡಿದ್ದಾರೆ. ನನ್ನ ಈ ಮಟ್ಟದ ಬೆಳವಣಿಗೆಗೆ ಸಹಕರಿಸಿದ ಎಲ್ಲರಿಗೂ ಕೃತಜ್ಞಳಾಗಿದ್ದೇನೆ ಎಂದು ಹೇಳಿದರು.

  ಕಾರ್ಯಕ್ರಮದಲ್ಲಿ ಅಕ್ಷತಾ ಶೆಟ್ಟಿಗಾರ್ ಅವರ ಸ್ನೇಹಿತರು ಮತ್ತು ಪ್ರೋತ್ಸಾಹಿಗಳಾದ ರೋಷನ್, ಅನ್ವಿತಾ, ಸನಂ ಮತ್ತಿತರರು ಉಪಸ್ಥಿತರಿದ್ದರು.