ಮಂಗಳೂರು: ಅಪಘಾತದಲ್ಲಿ ಮೃತರಾದ ಶಾಲಾ ಶಿಕ್ಷಕಿ- ಲಾರಿ ಚಾಲಕನಿಗೆ ನ್ಯಾಯಾಂಗ ಬಂಧನ

•   Mon, Dec 02 2019 03:29:04 PM



• ಮಂಗಳೂರು, ಡಿ 2 (Daijiworld News/MB) : ಲಾರಿ ಹಾಗೂ ಆಟೋ ನಡುವೆ ನಡೆದ ಅಪಘಾತದಲ್ಲಿ ಶೈಲಜಾ (55) ಎಂಬ ಶಿಕ್ಷಕಿ ಮೃತ ಹೊಂದಿದ್ದು, ಲಾರಿ ಚಾಲಕನಿಗೆ 14 ದಿನಗಳ ನ್ಯಾಯಾಂಗ ಬಂಧನ ವಿಧಿಸಲಾಗಿದೆ.

  

  ಆರೋಪಿ ಸಿದ್ದಲಿಂಗನ ಗೌಡ (29) ಗದಗ ಮೂಲದವನಾಗಿದ್ದು, ಡಿಸೆಂಬರ್‌ ೧ರಂದು ಆತ ಚಾಲಯಿಸುತ್ತಿದ್ದ ಲಾರಿ ಹಾಗೂ ಆಟೋದ ನಡುವೆ ಕದ್ರಿ ಕಂಬ್ಲ ರಸ್ತೆಯಲ್ಲಿ ಅಪಘಾತ ನಡೆದಿತ್ತು. ಈ ಸಂದರ್ಭದಲ್ಲಿ ಆಟೋದಲ್ಲಿ ಪ್ರಯಾಣ ಮಾಡುತ್ತಿದ್ದ ಶಾಲಾ ಶಿಕ್ಷಕಿ ಮೃತಪಟ್ಟಿದ್ದಾರೆ.

  ಮರದ ಸಾಮಾಗ್ರಿಗಳಿಂದ ತುಂಬಿದ್ದ ಬೆಂಗಳೂರಿನಿಂದ ಬಂದಿದ್ದ ಈ ಲಾರಿ ನಗರದಲ್ಲಿ ಸಾಮಾಗ್ರಿಗಳನ್ನು ಇಳಿಸಿ ಉಡುಪಿಯ ಕಡೆ ಚಲಿಸುತ್ತಿದ್ದ ವೇಳೆ ಈ ಘಟನೆ ಸಂಭವಿಸಿದೆ. ಅತೀ ವೇಗದಿಂದ ಲಾರಿ ಚಲಾವಣೆ ಮಾಡಿದ್ದರ ಪರಿಣಾಮ ಈ ಅಪಘಾತ ಸಂಭವಿಸಿದ್ದು ಲಾರಿ ಚಾಲಕನನ್ನು ಪೊಲೀಸರು ಬಂಧಿಸಿದ್ದರು.