ಕಾಸರಗೋಡು: ಪ್ರಾರ್ಥನಾ ಕೂಟದಿಂದ ಮರಳುತ್ತಿದ್ದಾಗ ಕುಸಿದು ಬಿದ್ದು ಬಾಲಕ ಮೃತ್ಯು

•   Thu, Nov 28 2019 02:37:42 PM



• ಕಾಸರಗೋಡು, ನ 28 (Daijiworld News/MSP): ಪ್ರಾರ್ಥನಾಕೂಟದಿಂದ ಮರಳುತ್ತಿದ್ದ ಬಾಲಕನೋರ್ವ ಕೊಟ್ಟಯಂ ರೈಲ್ವೆ ನಿಲ್ದಾಣದಲ್ಲಿ ಕುಸಿದು ಬಿದ್ದು ಸಾವನ್ನಪ್ಪಿದ ಘಟನೆ ನ.28ರ ಗುರುವಾರ ನಡೆದಿದೆ. ಪಾಡ ವರ್ಕಾಡಿಯ ದಿ. ಜೆರಾಲ್ಡ್ , ಪ್ರೆಸಿಲ್ಲಾ ಮೊಂತೆರೋ ದಂಪತಿಗಳ ಪುತ್ರ ಆಸ್ಟಿನ್ ಡಿಸೋಜ (16) ಮೃತ ಬಾಲಕ.

  

  ಚರ್ಚ್ ನಲ್ಲಿ ಪ್ರಾರ್ಥನಾಕೂಟದಲ್ಲಿ ಭಾಗಿಯಾಗಿದ್ದ ಈತ ಕೊಟ್ಟಯಂನಿಂದ ತನ್ನ ಮನೆಯತ್ತ ತೆರಳುವ ವೇಳೆ ಈ ಘಟನೆ ನಡೆದಿದೆ. ಕೊಟ್ಟಯಂ ರೈಲ್ವೆ ನಿಲ್ದಾಣದ ಬಳಿ ಬಂದಾಗ ಉಸಿರಾಟದಲ್ಲಿ ತೊಂದರೆ ಕಾಣಿಸಿ ಕುಸಿದು ಬಿದ್ದಿದ್ದಾನೆ. ಈತ ಬ್ಲಡ್ ಕ್ಯಾನ್ಸರ್ ನಿಂದ ಬಳಲುತ್ತಿದ್ದ ಎಂದು ತಿಳಿದುಬಂದಿದೆ.

  ಬಾಲಕನ ತಂದೆ ಜೆರಾಲ್ಡ್ ಡಿಸೋಜಾ ರಸ್ತೆ ಅಪಘಾತದಲ್ಲಿ ಕಳೆದ ವರ್ಷ ಮೃತಪಟ್ಟಿದ್ದರು. ಕಾನೂನು ಪ್ರಕ್ರಿಯೆ ಮುಗಿಸಿ ಮೃತದೇಹವನ್ನು ಮನೆಗೆ ತರಲು ವ್ಯವಸ್ಥೆ ಮಾಡಲಾಗಿದೆ ಎಂದು ತಿಳಿದುಬಂದಿದೆ.