ಕಾರ್ಕಳ: ನಗ, ನಗದು ಎಗರಿಸುತ್ತಿದ್ದ ನಕಲಿ ಪೊಲೀಸ್ ಬಂಧನ

•   Wed, Nov 27 2019 10:29:45 AM



• ಕಾರ್ಕಳ, ನ 27 (Daijiworld News/MSP): ತಾನೊಬ್ಬ ಪೊಲೀಸ್ ಎಂದು ಫೋಸ್ ಕೊಟ್ಟು ಬೆದರಿಸಿ ನಗ, ನಗದು ಎಗರಿಸುತ್ತಿದ್ದ ನಕಲಿ ಪೊಲೀಸ್ ನನ್ನು ಕಾರ್ಕಳ ನಗರ ಠಾಣೆ ಪೊಲೀಸರು ಬಂಧಿಸಿದ್ದಾರೆ. ಬಂಧಿತನನ್ನು ಕುಂದಾಪುರ ತೆಕ್ಕಟ್ಟೆ ನಿವಾಸಿ ಗಣೇಶ್ ಮೊಗವೀರ (33) ಎಂದು ಗುರುತಿಸಲಾಗಿದೆ.

  

  ಕೃತ್ಯಕ್ಕೆ ಬಳಸಿದ ಬೈಕ್ ನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಈತನ ವಿರುದ್ದ ಕುಂದಾಪುರ ನಗರ , ಬೆಂಗಳೂರು ನಗರಗಳಲ್ಲಿ ಹಲವು ಕಳ್ಳತನದ ಪ್ರಕರಣ ದಾಖಲಾಗಿವೆ ಎಂದು ತಿಳಿದುಬಂದಿದೆ. ಆರೋಪಿಯನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದೆ.

  ಘಟನೆಯ ಬೆನ್ನಲ್ಲೇ ಎಎಸ್ಪಿ ಕೃಷ್ಣಕಾಂತ್ ಅವರಿಗೆ ಈ ಕುರಿತು ಮಾಹಿತಿ ದೊರಕಿತ್ತು. ಈ ಪ್ರಕರಣದ ತನಿಖೆ ಚುರುಕುಗೊಳಿಸುವಂತೆ ಹಾಗೂ ಆರೋಪಿಯನ್ನು ಪತ್ತೆ ಹಚ್ಚುವಂತೆ ನಗರ ಠಾಣಾಧಿಕಾರಿಗೆ ನಿರ್ದೇಶನ ನೀಡಿದ್ದರು. ನೂತನವಾಗಿ ಅಧಿಕಾರ ವಹಿಸಿಕೊಂಡಿದ್ದ ನಗರ ಠಾಣಾಧಿಕಾರಿ, ಮಧು ಹಾಗೂ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿ ಆರೋಪಿಯನ್ನು ಬಂಧಿಸಿದ್ದಾರೆ.