ಮಂಗಳೂರು: ಅಡ್ಡಾದಿಡ್ಡಿ ಲಾರಿ ಚಲಾಯಿಸಿ ಪೊಲೀಸರಿಗೆ ಹೆದರಿ ಚರಂಡಿಗೆ ಜಿಗಿದ.!

•   Sat, Nov 23 2019 12:04:41 PM



• ಮಂಗಳೂರು, ನ 23 (Daijiworld News/MSP): ಪಾನಮತ್ತನಾದ ಲಾರಿ ಚಾಲಕ ಅಡ್ಡಾದಿಡ್ಡಿ ಲಾರಿ ಚಲಾಯಿಸಿ ಬಳಿಕ ಪೊಲೀಸರಿಗೆ ಹೆದರಿ ಚರಂಡಿಗೆ ಜಿಗಿದ ಘಟನೆ ನಗರದ ಬೈಕಂಪಾಡಿ ಬಳಿ ಬುಧವಾರ ಮಧ್ಯರಾತ್ರಿ 1 ಗಂಟೆಗೆ ನಡೆದಿದೆ.

  

  ಜಪ್ಪಿನಮೊಗರು ನೇತ್ರಾವತಿ ಸೇತುವೆ ಬಳಿ ಬುಧವಾರ ರಾತ್ರಿ ಸುಮಾರು 1 ಗಂಟೆಗಯ ವೇಳೆಗೆ ನಾಗಲ್ಯಾಂಡ್ ನೋಂದಣಿಯ ಕಂಟೆನೈರ್ ಚಾಲಕನೊಬ್ಬ ಕುಡಿದ ಮತ್ತಿನಲ್ಲಿ ಅಡ್ಡಾದಿಡ್ಡಿ ಲಾರಿ ಚಲಾಯಿಸುತ್ತಿದ್ದ. ಈ ವೇಳೆ , ನಿಲ್ಲಿಸಲೂ ಸೂಚಿಸಿದರೂ ಪರಾರಿಯಾಗಿದ್ದ. ಮಾತ್ರವಲ್ಲದೆ ಚಾಲಕ ಪಂಪ್ ವೆಲ್ ಕೆಪಿಟಿ ಕಡೆಯಿಂದ ಯದ್ವಾತದ್ವಾ ಚಲಾಯಿಸಿದ್ದು ಕೇರಳ ನೋಂದಣಿಯ ಕಾರಿಗೆ ಹಾಗೂ ಡಿವೈಡರ್ ಗೆ ಡಿಕ್ಕಿಯಾಗಿ ಮುಂದುವರಿದಿದೆ. ಈ ವೇಳೆ ಪೊಲೀಸರು, ಕಂಟ್ರೊಲ್ ರೂಂ ಗೆ ಮಾಹಿತಿ ನೀಡಿದರು.

  ಪಣಂಬೂರು ಪೊಲೀಸರು ಬೈಕಂಪಾಡಿಯಲ್ಲಿ ಕಂಟೆನೈರ್ ಅಡ್ಡಗಟ್ಟಲು ತಯಾರಿ ನಡೆಸಿದ್ದರು. ಆದರೆ ಮೀನಕಳಿಯದಲ್ಲಿ ವಾಹನ ನಿಲ್ಲಿಸಿದ ಚಾಲಕ , ಪೊಲೀಸರಿಗೆ ಹೆದರಿ ಸೇತುವೆ ಕೆಳಗೆ ಜಿಗಿದುಚರಂಡಿಯಲ್ಲಿ ಅವಿತು ಕುಳಿತಿದ್ದ . ಆ ಬಳಿಕ ಪೊಲೀಸರು ಆತನನ್ನು ವಶಕ್ಕೆ ಪಡೆದು ದಂಡ ವಸೂಲಿ ಮಾಡಿದ್ದಾರೆ.