ಮಂಗಳೂರು: 450 ಪ್ರವಾಸಿಗರನ್ನು ಹೊತ್ತ ಕರಾವಳಿಗೆ ಆಗಮಿಸಿದ ಸಿಲ್ವರ್ ಸ್ಪಿರಿಟ್

•   Fri, Nov 22 2019 10:22:28 AM



• ಮಂಗಳೂರು, ನ 22 (Daijiworld News/MSP): ನವ ಮಂಗಳೂರು ಬಂದರಿಗೆ ಈ ವರ್ಷದ ಮೂರನೇ ಐಷಾರಾಮಿ ಪ್ರವಾಸಿ ಹಡಗು ಗುರುವಾರ ಆಗಮಿಸಿದೆ.

  

  ಸಿಲ್ವರ್ ಸ್ಪಿರಿಟ್ ಎಂಬ ಹೆಸರಿನ ಈ ಹಡಗಿನಲ್ಲಿ 450 ಪ್ರವಾಸಿಗರು ಮತ್ತು 300 ಸಿಬ್ಬಂದಿ ಆಗಮಿಸಿದ್ದಾರೆ. ಈ ಸಂದರ್ಭದಲ್ಲಿ ಕರಾವಳಿ ಜಾನಪದ ನೃತ್ಯದ ಮೂಲಕ ಸ್ವಾಗತಿಸಲಾಯಿತು. ಬೆಳಗ್ಗೆ 8.05 ಕ್ಕೆ ಮಂಗಳೂರಿನ ಬಂದರಿಗೆ ಆಗಮಿಸಿದ ಈ ಪ್ರವಾಸಿ ಹಡಗು ಸಂಜೆ 6 ಗಂಟೆಯವರೆಗೆ ಮಂಗಳೂರಿನಲ್ಲಿ ಇದ್ದು ಪ್ರವಾಸ ಮುಂದುವರಿಸಿದೆ. ಬಳಿಕ 250 ಪ್ರವಾಸಿಗರಿಗೆ ಮಂಗಳೂರು ನಗರದ ಪ್ರವಾಸಿತಾಣಗಳನ್ನು ನೋಡಲು ಎನ್​ಎಂಪಿಟಿ ವ್ಯವಸ್ಥೆ ಮಾಡಿದೆ.

  ಗೋವಾ ಪ್ರವಾಸ ಮುಗಿಸಿ ಬಂದ ಈ ಪ್ರವಾಸಿ ಹಡಗು ಮಂಗಳೂರಿನಿಂದ ಕೇರಳದ ಕೊಚ್ಚಿನ್ ಗೆ ಪ್ರಯಾಣ ಬೆಳೆಸಲಿದೆ.