ಕುಂದಾಪುರ: ಇದು ಜೆಡಿಎಸ್, ಬಿಜೆಪಿ, ಕಾಂಗ್ರೆಸ್ ನಡುವಿನ ಕದನವಂತೆ...!

•   Mon, Nov 18 2019 05:26:46 PM



• ಕುಂದಾಪುರ, ನ 18 (Dijiworld News/MB): ಅತ್ತ ಉಪಚುನಾವಣೆಯಲ್ಲಿ ಕದನ ಕಲಿಗಳ ಕಾಳಗ ಸಿದ್ಧವಾಗುತ್ತಿದೆ, ಇತ್ತ ಕುಂದಾಪುರದಲ್ಲಿ ಕೂಡ ಭರ್ಜರಿ ಗೂಳಿ‌ ಕಾಳಗ ಲೈವ್ ನೋಡುವಂತಾಗಿದೆ. ಹೌದು ಕುಂದಾಪುರದ ಬಸ್ರೂರು ಮುಖ್ಯ ಪೇಟೆಯ ಬಸ್ ನಿಲ್ದಾಣದಲ್ಲಿ ಮೂರು ಗೂಳಿಗಳು ಭರ್ಜರಿ ಕಾದಾಟ ನಡೆಸಿವೆ.

  

  ಕಾದಾಟ ನೋಡಿ ಶಾಲಾ ಕಾಲೇಜು ವಿದ್ಯಾರ್ಥಿಗಳು, ಸಾರ್ವಜನಿಕರು ಭಯ ಭೀತರಾಗುತ್ತಿದ್ದಂತೆ, ಸ್ಥಳೀಯರು ಬೆಂಕಿ ಹಾಕಿ, ಪಟಾಕಿ ಸಿಡಿಸಿ, ನೀರು ಚೆಲ್ಲಿ ಗೂಳಿಗಳನ್ನು ಓಡಿಸುವ ಪ್ರಯತ್ನ ನಡೆಸಿದ್ದರು ಕೂಡ ಗೂಳಿ ಕಾಳಗ ಮುಂದುವರಿದಿದೆ‌.

  ಸ್ಥಳೀಯ ದೇವಸ್ಥಾನಕ್ಕೆ ಬಿಟ್ಟ ಗೂಳಿಗಳು ಇವಾಗಿದ್ದು, ಯಾರು ಕೂಡ ಗೂಳಿಗಳಿಗೆ ಹೊಡೆಯುವ ಗೋಜಿಗೆ ಹೋಗದ ಕಾರಣ ಗೂಳಿ ಕಾಳಗ ನಿಲ್ಲಿಸಲು ಹರಸಾಹಸ ಪಡಬೇಕಾಯಿತು.

  ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ‌ ಉಪಚುನಾವಣೆಯಲ್ಲಿ ಕಾಳಗಕ್ಕೆ ಇಳಿದಿರುವ ಮೂರು ಪಕ್ಷಗಳಿಗೆ ಹೋಲಿಸಿ ಟ್ರೋಲ್ ಮಾಡಲಾಗುತ್ತಿದೆ.