ಬೆಳ್ತಂಗಡಿ: ಪೋಲಿಸ್ ಪೇದೆ ಲಿಖಿತ ಪರೀಕ್ಷೆ- 125 ಹುದ್ದೆಗೆ 3200 ಅಭ್ಯರ್ಥಿಗಳು ಹಾಜರು

•   Mon, Nov 18 2019 10:42:14 AM



• ಬೆಳ್ತಂಗಡಿ, ನ 18 (Dijiworld News/MB): ಪೊಲೀಸ್ ಇಲಾಖೆಯಲ್ಲಿ ಪೋಲಿಸ್ ಪೇದೆಗಳ ನೇಮಕಾತಿಗಾಗಿ ಇಲ್ಲಿನ ಉಜಿರೆ ಎಸ್.ಡಿ.ಎಂ. ಶಿಕ್ಷಣ ಸಂಸ್ಥೆಗಳಲ್ಲಿ ನವೆಂಬರ್ 17 ರ ಭಾನುವಾರ ಲಿಖಿತ ಪರೀಕ್ಷೆ ನಡೆಯಿತು.

  

  ಗ್ರಾಮೀಣ ಭಾಗದ ಜನರಿಗೂ ಸೂಕ್ತ ಅವಕಾಶ ಕಲ್ಪಿಸುವ ನಿಟ್ಟಿನಲ್ಲಿ ಸರಕಾರ ಪೋಲೀಸ್ ಪೇದೆ ಆಯ್ಕೆ ಪ್ರಕ್ರಿಯೆಯನ್ನು ನಡೆಸಿದ್ದು ಇದೇ ಮೊದಲ ಬಾರಿಗೆ ತಾಲೂಕಿನಲ್ಲಿ ಇಷ್ಟು ದೊಡ್ಡ ಮಟ್ಟದಲ್ಲಿ ಈ ಪ್ರಕ್ರಿಯೆ ನಡೆಸಲಾಗಿದೆ.

  ದ.ಕ.ಜಿಲ್ಲೆಯ 125 ಪಿ.ಸಿಗಳ ಹುದ್ದೆಗೆ ರಾಜ್ಯದ 4,100 ಮಂದಿ ಅರ್ಜಿ ಸಲ್ಲಿಸಿದ್ದು ಈ ಪೈಕಿ 3200 ಮಂದಿ ಪರೀಕ್ಷೆಗೆ ಹಾಜರಾಗಿದ್ದಾರೆ.

  ಲಿಖಿತ ಪರೀಕ್ಷೆಗೆ ಪಾರದರ್ಶಕವಾಗಿ ಸೂಕ್ತ ವ್ಯವಸ್ಥೆ ಮಾಡಲಾಗಿದ್ದು, ಪರೀಕ್ಷಾರ್ಥಿಗಳಿಗೆ ಸುಮಾರು 130 ಕ್ಕೂ ಹೆಚ್ಚು ಕೊಠಡಿಯಲ್ಲಿ ಕಲ್ಪಿಸಲಾಗಿತ್ತು.

  ಪರೀಕ್ಷೆಗೆ ರಾಜ್ಯದ ಇತರ ಭಾಗಗಳಿಂದ ಅಭ್ಯರ್ಥಿಗಳು ಹಾಜರಾಗಿದ್ದು, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಲಕ್ಷ್ಮೀ ಪ್ರಸಾದ್ ಅವರ ನಿರ್ದೇಶನದಂತೆ, ಬೆಳ್ತಂಗಡಿ ವೃತ್ತ ನಿರೀಕ್ಷಕ ಸಂದೇಶ್ ಪಿ.ಜಿ. ನೇತೃತ್ವದಲ್ಲಿ 250 ಮೇಲ್ವಿಚಾರಕರು, 12 ಪೋಲೀಸ್ ಅಧಿಕಾರಿಗಳನ್ನು ನಿಯೋಜಿಸಲಾಗಿತ್ತು.