ಸಿಸಿಟಿವಿಯಲ್ಲಿ ಪತ್ತೆಯಾಗಿದೆ ಗೌರಿ ಲಂಕೇಶ್ ಹಂತಕನ ಮುಖದ ಗುರುತು

•   Fri, Sep 15 2017 01:38:17 PM



• ಬೆಂಗಳೂರು, ಸೆ15: ಪತ್ರಕರ್ತೆ ಗೌರಿ ಲಂಕೇಶ್ ಮೇಲೆ ಹತ್ಯೆ ಮಾಡಿದ ಹಂತಕನ ಮುಖದ ಗುರುತು ಸಿಸಿಟಿವಿಯಲ್ಲಿ ಪತ್ತೆಯಾಗಿದೆ. ಗೌರಿ ಲಂಕೇಶ್ ಹತ್ಯೆ ಪ್ರಕರಣದ ತನಿಖೆ ನಡೆಸುತ್ತಿರುವ ವಿಶೇಷ ತನಿಖಾ ದಳದವರು ಹಂತಕನ ಮುಖದ ಚಿತ್ರಣವನ್ನು ಸ್ಪಷ್ಟವಾಗಿ ಸೆರೆಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ.

  

  ಗೌರಿ ಲಂಕೇಶ್ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಎಸ್ಐಟಿಗೆ ಈ ಮೊದಲು ಸಿಸಿಟಿವಿಯ ದೃಶ್ಯಾವಳಿಯಲ್ಲಿ ಹಂತಕರು ಗೌರಿ ಅವರ ಮೇಲೆ ಗುಂಡು ಹಾರಿಸುವ ಚಿತ್ರಣ ಲಭ್ಯವಾಗಿತ್ತು. ಆದರೆ ಇದೀಗ ಸಿಸಿಟಿವಿಯಲ್ಲಿ ದಾಖಲಾಗಿರುವ ಚಿತ್ರಣವನ್ನು ತಂತ್ರಜ್ಞಾನದ ನೆರವಿನಿಂದ ಮತ್ತಷ್ಟು ಸ್ಪಷ್ಟಪಡಿಸಿರುವುದರಿಂದ ಹಂತಕನ ಸಂಪೂರ್ಣ ಮುಖದ ಗುರುತು ಲಭ್ಯವಾಗಿದೆ.