ಮಂಗಳೂರು: ರಾಜ್ಯದಲ್ಲಿ ದಾಖಲೆ ಬರೆದ ಕಾಂಗ್ರೆಸ್ ಕಾರ್ಪೊರೇಟರ್ ಲ್ಯಾನ್ಸ್ ಲೊಟ್ ಪಿಂಟೊ

•   Fri, Nov 15 2019 11:20:59 AM



• ಮಂಗಳೂರು, ನ 15(Daijiworld News/MB) : ಮಂಗಳೂರು ಮಹಾನಗರ ಪಾಲಿಕೆ 1984 ರಿಂದ ಅಸ್ತಿತ್ವಕ್ಕೆ ಬಂದಿದ್ದು ಅಂದಿನಿಂದ ಇಂದಿನವರೆಗೆ ಸತತವಾಗಿ 7ಬಾರಿ ಗೆಲುವು ಸಾದಿಸಿರುವ ಬಿಜೈ ವಾರ್ಡ್ (31) ರ ಕಾಂಗ್ರೆಸ್ ಅಭ್ಯರ್ಥಿ ಲ್ಯಾನ್ಸ್ ಲೊಟ್ ಪಿಂಟೊ ಕರಾವಳಿ ಮಾತ್ರವಲ್ಲದೇ ಈಡೀ ರಾಜ್ಯದಲ್ಲೇ ಹೊಸ ದಾಖಲೆಯನ್ನು ಸೃಷ್ಟಿಸಿದ್ದಾರೆ.

  

  

  ಮಂಗಳೂರು ಮಹಾನಗರ ಪಾಲಿಕೆಯ ಅತ್ಯಂತ ಹಿರಿಯ ಸದಸ್ಯರಾಗಿರುವ ಅವರು ತಮ್ಮ 7ಬಾರಿಯ ಅಧಿಕಾರವಧಿಯಲ್ಲಿ ಒಂದು ಬಾರಿ ಉಪಮೇಯರ್ ಆಗಿ, ನಗರ ಯೋಜನೆ ಮತ್ತು ಅಭಿವೃದ್ಧಿ ಸ್ಥಾಯೀ ಸಮಿತಿ ಹಾಗೂ ತೆರಿಗೆ ಮತ್ತು ಅಪೀಲು ಸ್ಥಾಯೀ ಸಮಿತಿ ಅಧ್ಯಕ್ಷರಾಗಿಯೂ ಒಂದೊಂದು ಅವಧಿಯಲ್ಲಿ ಸೇವೆ ಸಲ್ಲಿಸಿದ್ದಾರೆ. 7 ಬಾರಿ ಕಾರ್ಪೊರೇಟರ್ ಆದರೂ ಅವರಿಗೆ ಮೇಯರ್ ಸ್ಥಾನ ಒದಗಿ ಬರಲೇ ಇಲ್ಲ.

  ಈ ಬಾರಿಯ ಚುನಾವಣೆಯಲ್ಲಿ ಬಿಜೆಪಿಯ ಅಭ್ಯರ್ಥಿ ಪ್ರಶಾಂತ್ ಆಳ್ವ ಅವರನ್ನು 462 ಮತಗಳಿಂದ ಸೋಲಿಸಿದ್ದಾರೆ. 2013 ರಲ್ಲಿ ನಡೆದ ಚುನಾವಣೆಯಲ್ಲಿ ಬಿಜೆಪಿಯ ಅಭ್ಯರ್ಥಿ ಜಗದೀಶ್ ಅವರನ್ನು1,032 ಮತಗಳ ಅಂತರದಲ್ಲಿ ಸೋಲಿಸಿದ್ದರು.