ಮಂಗಳೂರು: ಲಂಗರು ಹಾಕಿದ್ದ ಹಡಗಿನಲ್ಲಿ ಗಾಂಜಾ ಪತ್ತೆ

•   Fri, Sep 15 2017 01:07:47 PM



• ಮಂಗಳೂರು, ಸೆ15: ನವ ಮಂಗಳೂರು ಬಂದರಿಗೆ ವಿದೇಶದಿಂದ ಬಂದು ಲಂಗರು ಹಾಕಿದ್ದ ಹಡಗಿನಲ್ಲಿ ಗಾಂಜಾ ಪತ್ತೆಯಾದ ಘಟನೆ ವರದಿಯಾಗಿದೆ. ಶ್ರೀಲಂಕಾದ ಕೊಲಂಬೋದಿಂದ ನವ ಮಂಗಳೂರು ಬಂದರಿಗೆ ಬಂದಿದ್ದ ಹಡಗಿನಲ್ಲಿ ಸಮುಮಾರು 9 ಕೆ.ಜಿ.ಯಷ್ಟು ಗಾಂಜಾವನ್ನು ಕಸ್ಟಮ್ಸ್ ಅಧಿಕಾರಿಗಳು ಪತ್ತೆ ಮಾಡಿದ್ದಾರೆ.

  

  ಸಪ್ಟೆಂಬರ್ 14 ರಂದು ಕಸ್ಟಮ್ಸ್ ಅಧಿಕಾರಿಗಳು ಹಡಗಿನಲ್ಲಿ ತಪಾಸನೆ ಮಾಡಿದ್ದರು. ಈ ಸಂದರ್ಭ ಹಡಗಿನ ಒಂದು ಕಂಟೈನರಿನ ಹವಾ ನಿಯಂತ್ರಕದ ಪಕ್ಕ ಬಚ್ಚಿಟ್ಟ ಸ್ಥಿತಿಯಲ್ಲಿ 9 ಕೆ.ಜಿ.ಯಷ್ಟು ಗಾಂಜಾ ಅಧಿಕಾರಿಗಳಿಗೆ ದೊರಕಿದೆ.

  ಈ ಕುರಿತು ಪ್ರಕರಣ ದಾಖಲು ಮಾಡಿಕೊಂಡಿದ್ದು, ಯಾರಿಂದ ಈ ಗಾಂಜಾ ಸಾಗಾಟವಾಗುತ್ತಿತು ಹಾಗೂ ಇದು ಯಾರಿಗೆ ಸೇರಲಿತ್ತು ಎಂಬ ಬಗ್ಗೆ ತನಿಖೆ ನಡೆಯುತ್ತಿದೆ. ಹಡಗು ಶ್ರೀಲಂಕಾ ದೇಶದ ಕೊಲಂಬೋ ಮೂಲದ ಸಂಸ್ಥೆಗೆ ಸೇರಿದ್ದು ಎಂದು ಕಸ್ಟಮ್ಸ್ ಕಚೇರಿ ಮೂಲಗಳು ತಿಳಿಸಿದೆ. ನಿಖರ ಮಾಹಿತಿ ತನಿಖೆಯಿಂದ ತಿಳಿದುಬರಬೇಕಿದೆ.