ಕಟಪಾಡಿ: ಟಯರ್ ಸ್ಪೋಟಗೊಂಡು ಮೀನು ಸಾಗಾಟ ವಾಹನ ಪಲ್ಟಿ

•   Wed, Nov 13 2019 10:44:53 AM



• ಕಟಪಾಡಿ, ನ 13 (Daijiworld News/MSP): ಮೀನು ಸಾಗಾಟದ ವಾಹನವೊಂದು ಪಲ್ಟಿಯಾದ ಪರಿಣಾಮ ಹೆದ್ದಾರಿಯಲ್ಲಿ ಕಾರ್ಗಿಲ್ ಮೀನುಗಳು ಚೆಲ್ಲಿ ಕೆಲಕಾಲ ಸಂಚಾರ ಅಸ್ತವ್ಯಸ್ತವಾದ ಘಟನೆ ರಾಷ್ಟ್ರೀಯ ಹೆದ್ದಾರಿ 66 ರಲ್ಲಿ ನ.13 ರ ಬುಧವಾರ ನಡೆದಿದೆ. 

  

  ಮಂಗಳೂರಿನಿಂದ ಮೀನು ಹೇರಿಕೊಂಡು ಉಡುಪಿಯತ್ತ ಸಾಗಿಸುತ್ತಿದ್ದ ಟಾಟಾ ಏಸ್ ವಾಹನ ಮೂಡಬೆಟ್ಟು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಕ್ಕೆ ತಿರುವು ಬಳಿ ಬರುತ್ತಿದ್ದಂತೆ ಟಯರ್ ಸ್ಪೋಟಗೊಂಡು ಪಲ್ಟಿಯಾಗಿದೆ. ಪರಿಣಾಮವಾಗಿ ಕಾರ್ಗಿಲ್ ಮೀನುಗಳು ರಸ್ತೆ ತುಂಬಾ ಚೆಲ್ಲಿದೆ . ಘಟನೆಯಿಂದ ಯಾರಿಗೂ ಯಾವುದೇ ಗಾಯವಾದ ವರದಿಯಾಗಿಲ್ಲ. ಮೀನುಗಳನ್ನು ತೆರವುಗೊಳಿಸಿ ಸಂಚಾರಕ್ಕೆ ಅನುಕೂಲ ಕಲ್ಪಿಸಲಾಯಿತು.