ಮಂಗಳೂರು: ಚಿಕಿತ್ಸೆಗಾಗಿ ಬಿರುವೆರ್ ಕುಡ್ಲದ ವತಿಯಿಂದ ಧನಸಹಾಯ ವಿತರಣೆ

•   Wed, Nov 06 2019 10:53:03 PM



• ಮಂಗಳೂರು, ನ 06 (DaijiworldNews/SM): ಫ್ರೆಂಡ್ಸ್ ಬಳ್ಳಾಲ್ ಬಾಗ್ ಬಿರುವೆರ್ ಕುಡ್ಲ ಮಂಗಳೂರು ಇದರ ವತಿಯಿಂದ ಕಿಡ್ನಿ ಚಿಕಿತ್ಸೆಗಾಗಿ ಗಾಂಧಿನಗರ ಕಾವೂರಿನ ಅಮೀರ್ಜಾನ್ ಎಂಬವರಿಗೆ 50 ಸಾವಿರ ರೂ. ನೆರವು ವಿತರಿಸಲಾಯಿತು.

  

  

  

  ಕುದ್ರೋಳಿ ದೇವಸ್ಥಾನದ ಅಧ್ಯಕ್ಷ ಸಾಯಿ ರಾಮ್ ಚೆಕ್ ಹಸ್ತಾಂತರಿಸಿ ಬಿರುವೆರ್ ಕುಡ್ಲ ಸಂಸ್ಥೆಯ ಜಾತ್ಯಾತೀತ ಸೇವೆಯನ್ನು ಶ್ಲಾಘಿಸಿದರು. ಈ ಸಂದರ್ಭ ಬಿರುವೆರ್ ಕುಡ್ಲ ಸ್ಥಾಪಕಾಧ್ಯಕ್ಷ ಉದಯ ಪೂಜಾರಿ ಮಾತನಾಡಿ, ಅವರು ನಮ್ಮದು ರಾಜಕೀಯ ರಹಿತ ತಟಸ್ಥ ಸಂಘಟನೆ, ವಿವಿಧ ಪಕ್ಷದ ಕಾರ್ಯಕರ್ತರ ಕುಟುಂಬಗಳಿಗೆ ,ಅಲ್ಪಸಂಖ್ಯಾತ ,ಹಿಂದುಳಿದ, ಬಂಟ್ಸ್, ಬಿಲ್ಲವ ಸಹಿತ ಎಲ್ಲಾ ಕುಟುಂಬಗಳ ಬಡ ಫಲಾನುಭವಿಗಳನ್ನು ಗುರುತಿಸಿ ಅಗತ್ಯವುಳ್ಳವರಿಗೆ ನೆರವು ಒದಗಿಸಿದ್ದೇವೆ. ಇದಕ್ಕೆ ನಮ್ಮ ಘಟಕದ ಕಾರ್ಯಕರ್ತರು, ದಾನಿಗಳು ಸಹಕಾರ ನೀಡುತ್ತಾ ಬಂದಿದ್ದಾರೆ.

  ಈವರೆಗೆ ನಮ್ಮ ನೆರವಿನ ಮೊತ್ತ ಒಂದೂ ಕಾಲು ಕೋಟಿಯಷ್ಟು ಮೊತ್ತದ ವಿದ್ಯಾರ್ಥಿ ವೇತನ, ಆರೋಗ್ಯ ಚಿಕಿತ್ಸೆ, ಅಂಗ ವಿಕಲರಿಗೆ ಸಲಕರಣೆ ಸಹಿತ ವಿವಿಧ ನೆರವು ನೀಡಿದ್ದೇವೆ. ಈ ಬಾರಿ ಮುಸ್ಲಿಂ ಕುಟುಂಬದ ಮನವಿ ಮೇರೆಗೆ ಈ ತಿಂಗಳ ಧನ ಸಹಾಯವನ್ನು ನೀಡಿದ್ದೇವೆ ಎಂದರು.

  ದೇವಸ್ಥಾನದ ಟ್ರಸ್ಟಿ ಬಿ.ಜಿ ಸುವರ್ಣ, ಲಿಕಿತ್ ಕೋಟ್ಯಾನ್, ರಿನಿತ್ರಾಜ್ ಅಶೋಕನಗರ, ಲೋಹಿತ್ ಗಟ್ಟಿ, ಯಶ್ವಿನ್ ಬಲ್ಲಲ್ಬಾಗ್, ಓಝಿ ಪಡವಿನಂಗಡಿ, ಕಿರಣ್ ಉರ್ವ, ವಿಘ್ನೇಶ್ ಚಿಲಿಂಬಿ, ರಾಕೇಶ್ ಚಿಲಿಂಬಿ, ಸಾಗರ್ ಅಶೋಕ್ ನಗರ, ಹರ್ಷ ಪೂಜಾರಿ ದುಬೈ, ರೋಶನ್ ಪೂಜಾರಿ, ಚೇತನ್ ರಾಜ್ ಮತ್ತಿತರರು ಉಪಸ್ಥಿತರಿದ್ದರು.