ಉಡುಪಿ: ಕೆಜೆಪಿಯಲ್ಲಿದ್ದಾಗ ನಾನೇ ಟಿಪ್ಪು ಎಂದಿದ್ದ ಬಿಎಸ್ ವೈ ಗೆ ಇಂದು ಟಿಪ್ಪು ಮತಾಂಧನಾದ-ಸಿದ್ದರಾಮಯ್ಯ ಟೀಕೆ

•   Wed, Nov 06 2019 09:53:32 PM



• ಉಡುಪಿ, ನ 06 (DaijiworldNews/SM): ಪಠ್ಯ ಪುಸ್ತಕದಿಂದ ಟಿಪ್ಪು ಕುರಿತಾದ ಅಧ್ಯಾಯ ತೆಗೆಯುವುದರ ಕುರಿತು ಉಡುಪಿಯಲ್ಲಿ ಮಾಜಿ ಸಿಎಂ ಸಿದ್ದರಾಮಯ್ಯ ಪ್ರತಿಕ್ರಿಯೆ ನೀಡಿದ್ದಾರೆ. ಇತಿಹಾಸದ ಜ್ಙಾನ ಇಲ್ಲದವರು ಭವಿಷ್ಯ ನಿರ್ಮಾಣ ಮಾಡಲು ಸಾಧ್ಯವಿಲ್ಲ ಎಂದು ಅಂಬೇಡ್ಕರ್ ಹೇಳಿದ್ದಾರೆ ಎಂದು ಅವರು ಹೇಳಿಕೆ ನೀಡಿದ್ದಾರೆ.

  

  ಟಿಪ್ಪು ಸುಲ್ತಾನ್, ಹೈದರಾಲಿಯ ವಿನಹಃ ಮೈಸೂರು ಚರಿತ್ರೆ ಅಪೂರ್ಣ. ಇದೇ ಯಡಿಯೂರಪ್ಪನವರು ಕೆಜೆಪಿ ಪಕ್ಷದಲ್ಲಿದ್ದಾಗ ಟಿಪ್ಪು ಪೇಠ ಧರಿಸಿ, ಟಿಪ್ಪು ಖಡ್ಗ ಹಿಡಿದು ನಾನೇ ಟಿಪ್ಪು ಎಂದು ಹೇಳಿದ್ದರು. ಈಗ ಟಿಪ್ಪುವನ್ನು ಮತಾಂಧ ಎನ್ನುತ್ತಿದ್ದಾರೆ. ಸಿದ್ದರಾಮಯ್ಯ ಟಿಪ್ಪು ಜಯಂತಿ ಆಚರಣೆ ಮಾಡಿದುದಕ್ಕೆ ಟಿಪ್ಪು ಮತಾಂಧನಾದ. ಸಿದ್ದರಾಮಯ್ಯ ಟಿಪ್ಪು ಜಯಂತಿ ಮಾತ್ರವಲ್ಲ ಕಿತ್ತೂರು ರಾಣಿ ಚೆನ್ನಮ್ಮ ಜಯಂತಿ, ನಾರಾಯಣ ಗುರುಗಳ ಜಯಂತಿಯನ್ನು ಕೂಡಾ ಆಚರಿಸಿದ್ದಾರೆ ಎಂದು ಗುಡುಗಿದರು.

  ಜಗದೀಶ್ ಶೆಟ್ಟರ್ ಟಿಪ್ಪುವಿನ ಕುರಿತಾದ ಒಂದು ಪುಸ್ತಕಕ್ಕೆ ಟಿಪ್ಪಣಿ ಬರೆದು ಟಿಪ್ಪು ಒಬ್ಬ ದೇಶ ಭಕ್ತ, ಟಿಪ್ಪು ದೇಶ ಪ್ರೇಮಿ, ಬ್ರಿಟಿಷ್ ವಿರುದ್ದ ಹೋರಾಡಿದ ಮಹಾ ಶೂರ ಎಂದು ಹೊಗಳಿದ್ದಾರೆ ಎಂದು ಸಿದ್ದರಾಮಯ್ಯ ಟೀಕಿಸಿದರು.