ಮಂಗಳೂರು: ಜೆಡಿಎಸ್ ಜತೆ ಹನಿಮೂನ್ ಮಾಡಿಲ್ಲ-ಮೈತ್ರಿ ಮಾಡಿಕೊಂಡಿದ್ದೆವಷ್ಟೇ-ಗುಂಡೂರಾವ್

•   Wed, Nov 06 2019 08:46:19 PM



• ಮಂಗಳೂರು, ನ 06 (DaijiworldNews/SM): ದೇವೆಗೌಡರು ಮತ್ತು ಯಡಿಯೂರಪ್ಪ ಏನಾದ್ರು ಮಾತಾಡಿಕೊಳ್ಳಲಿ. ಅದಕ್ಕೆ ನಮ್ಮ ತಕರಾರಿಲ್ಲ ಎಂದು ಮಂಗಳೂರಿನಲ್ಲಿ ಕೆಪಿಸಿಸಿ ಅಧ್ಯಕ್ಷ ದಿನೇಶ್ ಗುಂಡೂರಾವ್ ಹೇಳಿದ್ದಾರೆ. 

  

  ಮಾಧ್ಯಮ ಪ್ರತಿನಿಧಿಗಳಿಗೆ ಪ್ರತಿಕ್ರಿಯೆ ನೀಡಿದ ಅವರು, ನಾವು ಬಿಜೆಪಿಯವರು ಅಧಿಕಾರಕ್ಕೆ ಬರಬಾರದು ಅಂತಾ ಮೈತ್ರಿ ಮಾಡಿಕೊಂಡಿದ್ದೇವು. ಆದ್ರೆ ಸರ್ಕಾರವನ್ನು ಬಿಜೆಪಿಯವರು ಕೆಡವಿದ್ದರು. ಈಗ ದೇವೆಗೌಡರೇ ಸರ್ಕಾರ ಉಳಿಸುತ್ತೇನೆ ಅಂತಾ ಹೇಳಿದರೆ ಹೇಳಿಕೊಳ್ಳಲಿ. ಇದು ಅವರಿಗೆ ಸೇರಿದ್ದು ಅದಕ್ಕೆ ನಮ್ಮ ಯಾವುದೇ ಅಭ್ಯಂತರವಿಲ್ಲ ಎಂದಿದ್ದಾರೆ.

  ನಾವು ಜೆಡಿಎಸ್ ಜೊತೆ ಹನಿಮೂನ್ ಮಾಡಿಲ್ಲ, ಮೈತ್ರಿ ಮಾಡಿಕೊಂಡಿದ್ದೆವು ಅಷ್ಟೇ ಎಂದು ದಿನೇಶ್ ಗುಂಡುರಾವ್ ಹೇಳಿದ್ದಾರೆ.