ಮಂಗಳೂರು: ಸುಳ್ಳು ಎಂಬುದು ಬಿಜೆಪಿಯವರ ಅನ್ವರ್ಥ ನಾಮ-ಸಿದ್ದರಾಮಯ್ಯ

•   Wed, Nov 06 2019 07:22:48 PM



• ಮಂಗಳೂರು, ನ 06 (DaijiworldNews/SM): ಕಾಂಗ್ರೆಸ್ ಆಡಳಿತದಲ್ಲಿದ್ದಾಗ ಎಲ್ಲಾ ಮಹಾತ್ಮರ ಜಯಂತಿಯನ್ನು ಆಚರಿಸಿದ್ದೇವೆ. ಆದರೆ, ಇಂದು ಬಿಜೆಪಿಯವರು ಸಂಕೊಚಿತ ಮನೋಭಾವ ಹೊಂದಿದ್ದು ಹಾಗಾಗಿ, ಟಿಪ್ಪು ಜಯಂತಿಯನ್ನು ಮಾಡುತ್ತಿಲ್ಲ. ಸುಳ್ಳು ಎಂಬುದು ಬಿಜೆಪಿಯವರ ಅನ್ವರ್ಥ ನಾಮ ಎಂದು ಮಾಜಿ ಮುಖ್ಯಮಂತ್ರಿ ಸಿದ್ಧರಾಮಯ್ಯ ಮಂಗಳೂರಿನಲ್ಲಿ ಹೇಳಿದ್ದಾರೆ.

  

  ಕಾಂಗ್ರೆಸ್ಸಿನ ಹಿರಿಯ ಮುಖಂಡ ಜನಾರ್ಧನ ಪೂಜಾರಿಯವರು ಕಾಂಗ್ರೆಸ್ ಗೆ ಸಿದ್ಧರಾಮಯ್ಯ ಶನಿ ಇದ್ದ ಹಾಗೆ ಎಂಬ ಹೇಳಿಕೆ ವಿಚಾರವಾಗಿ ಪ್ರತಿಕ್ರಿಯಿಸಿದ ಅವರು, ಪೂಜಾರಿಯವರ ಹೇಳಿಕೆಗೆ ಯಾವುದೇ ಪ್ರತಿಕ್ರಿಯೆ ನೀಡಲ್ಲ. ಕೊನೆಗೆ ಅವರು, ಕಾಂಗ್ರೆಸ್ಸಿಗೆ ಮತ ನೀಡಿ ಎಂದಿದ್ದಾರೆ ಎಂದು ಹೇಳಿದ್ದಾರೆ.

  ಮುಖ್ಯಮಂತ್ರಿ ಯಡಿಯೂರಪ್ಪನವರ ಆಡಿಯೋ ಲೀಕ್ ಬಗ್ಗೆ ಪ್ರತಿಕ್ರಿಯಿಸಿದ ಅವರು, ಯಡಿಯೂರಪ್ಪನವರ ಆಡಿಯೋ ಲೀಕ್ ಮಾಡಿದವರು ಯಾರು? ಬಿಜೆಪಿಗರೆ ಒಳಗಡೆ ಕುತಂತ್ರ ಮಾಡಿ ಆಡಿಯೋ ಲೀಕ್ ಮಾಡಿಸಿದ್ದಾರೆ. ಯಡಿಯೂರಪ್ಪನವರ ಮೇಲೆ ಗೂಬೆ ಕೂರಿಸಲು ಆಡಿಯೋ ಲೀಕ್ ಮಾಡಿದ್ದಾರೆ. ಅಮಿತ್ ಶಾಗೆ ಮುಜುಗರ ಆಗಿ ಸರ್ಕಾರ ಬೀಳಬೇಕು ಅನ್ನುವ ಉದ್ಧೇಶದಿಂದ ಮಾಡಿದ್ದಾರೆ. ಉಪಚುನಾವಣೆಯಲ್ಲಿ ೮ ಸ್ಥಾನವನ್ನು ಬಿಜೆಪಿ ಗೆಲ್ಲುವುದಿಲ್ಲ ಹಾಗಾಗಿ ಡಿಸೆಂಬರ್ ವೇಳೆಗೆ ಯಡಿಯೂರಪ್ಪ ನೇತೃತ್ವದ ಸರಕಾರ ಇರುವುದಿಲ್ಲ ಎಂದು ಹೇಳಿದರು.