ಮಂಗಳೂರು: ಬಸ್ಸಿಗೆ ದಾರಿ ಬಿಡದೆ ಪುಂಡಾಟೆಕೆ ಮಾಡಿದ ಯುವಕರ ವಿಡಿಯೋ ವೈರಲ್

•   Tue, Nov 05 2019 12:17:43 PM



• ಮಂಗಳೂರು, ನ 05 (Daijiworld/MB):ಯುವಕರಿಬ್ಬರು ಖಾಸಗೀ ಬಸ್ಸಿಗೆ ಮುಂದೆ ಹೋಗಲು ದಾರಿ ಬಿಡದೆ ಅಡ್ಡದಿಡ್ಡಿ ಬೈಕ್ ಚಲಾಯಿಸಿ ಪುಂಡಾಟಿಕೆ ಮಾಡುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

  

  ನಗರದ ಸುರತ್ಕಲ್ ನಲ್ಲಿ ನಡೆದಿದೆ ಎನ್ನಲಾದ ಈ ಘಟನೆಯ ವಿಡಿಯೋದಲ್ಲಿ ಯುವಕರು ಬಸ್ಸಿಗೆ ಮುಂದೆ ಹೋಗಲು ದಾರಿ ಮಾಡಿಕೊಡದೆ, ಮನಸೋ ಇಚ್ಛೆ ಬೈಕ್ ಚಲಾಯಿಸುವುದು ಕಂಡು ಬರುತ್ತದೆ. ಹಾಗೆಯೇ ಹಾರ್ನ್ ಹಾಕಿದರೂ ದಾರಿ ಮಾಡಿ ಕೊಡದ ಇವರು, ಅವ್ಯಾಚವಾಗಿ ಬೈಯ್ದಿದ್ದಾರೆ. ಇದನ್ನು ಬಸ್ಸಿನಲ್ಲಿ ಪ್ರಯಾಣಿಸುತ್ತಿದ್ದ ಪ್ರಯಾಣಿಕರು ತಮ್ಮ ಮೊಬೈಲ್ ಮೂಲಕ ಸೆರೆ ಹಿಡಿದಿದ್ದು , ಈಗ ಆ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಈ ಯುವಕರ ಮೇಲೆ ಪೊಲೀಸರು ಕ್ರಮ ಕೈಗೊಳ್ಳಲು ಕೋರಿರುವ ಸಂದೇಶದೊಂದಿಗೆ ಹರಿದಾಡುತ್ತಿದೆ.

  ಕುಡಿದು ಬೈಕ್ ಚಲಾಯಿಸಿದಲ್ಲದೆ, ಹೆಲ್ಮೆಟ್ ಅನ್ನೂ ಧರಿಸದೆ ಸಂಚಾರಿ ನಿಯಮ ಉಲ್ಲಂಘನೆ ಮಾಡಿದ ಈ ಯುವಕರ ಮೇಲೆ ಪೊಲೀಸರು ತಕ್ಷಣ ಕಠಿಣ ಕ್ರಮ ತೆಗೆದುಕೊಳ್ಳಬೇಕಾಗಿ ವಿನಂತಿಸಿಕೊಳ್ಳುತ್ತಿದ್ದೇವೆ ಎಂದು ಅವರ ಬೈಕ್ ನಂಬರ್‍ ನಮೂದಿಸಿರುವ ಈ ಸಂದೇಶದಲ್ಲಿ ಈ ವಿಷಯ ಸಂಬಂಧ ಪಟ್ಟ ಆರ್‍ ಟಿ ಒ ಗೆ ತಲುಪುವವರೆಗೂ ಶೇರ್ ಮಾಡಿ ಮುಂಬರುವ ದಿನಗಳಲ್ಲಿ ಇಂತಹ ಘಟನೆಗಳು ಆಗದಂತೆ ಸಹಕರಿಸಿ ಎಂದು ಬರೆಯಲಾಗಿದೆ.