ಮಂಗಳೂರು:ರಸ್ತೆ ಅವ್ಯವಸ್ಥೆ-ಬೇಸತ್ತ ನಾಗರಿಕರಿಂದ ಮತ ಬಹಿಷ್ಕಾರಕ್ಕೆ ನಿರ್ಧಾರ

•   Fri, Nov 01 2019 08:15:13 PM



• ಮಂಗಳೂರು,ನ.01 (DaijiworldNews/SM):ಊರಿಗೆ ಸಮಗ್ರ ರಸ್ತೆಯಿಲ್ಲದೆ ಬೇಸತ್ತ ನಾಗರಿಕರು ಚುನಾವಣೆ ಬಹಿಷ್ಕರಿಸಿರುವ ಘಟನೆ ಮಂಗಳೂರು ನಗರದ 36ನೇ ವಾರ್ಡ್ ನ ಕೆಲರಾಯಿಯೆಂಬಲ್ಲಿ ನಡೆದಿದೆ. ಇಲ್ಲಿನ ನಾಗರಿಕರು ಚುನಾವಣೆ ಬಹಿಷ್ಕರಿಸಿ ಬೀದಿಗಿಳಿದು ಪ್ರತಿಭಟನೆ ನಡೆಸಿದ್ದಾರೆ.
  

  ಮಂಗಳೂರು ನಗರದ ಕೆಲರಾಯ್ ಲೇಔಟ್ ಜನರು ಮತ ಬಹಿಷ್ಕರಿಸಿದ್ದಾರೆ. ಕಳೆದ ನಾಲ್ಕು ವರ್ಷಗಳಿಂದ ರಸ್ತೆ ದುರಸ್ತಿಯಾಗದೆ ಇದ್ದುದರಿಂದ ಇಲ್ಲಿನ ನಾಗರಿಕರು ಆಕ್ರೋಶಗೊಂಡಿದ್ದಾರೆ. ಊರಿಗೆ ಸಮಗ್ರ ರಸ್ತೆ ಇಲ್ಲದ ಕಾರಣ ಜನ ಬೇಸತ್ತುಹೋಗಿದ್ದರು. ಇದೇ ಕಾರಣಕ್ಕೆ ಇಂದು ಬೀದಿಗಿಳಿದ ನಾಗರಿಕರು ಜನಪ್ರತಿನಿದಿಗಳ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ರಸ್ತೆ ದುರಸ್ತಿ ಮಾಡದೆ ಇದ್ದಲ್ಲಿ ಮತದಾನದಲ್ಲಿ ಭಾಗವಹಿಸುವುದಿಲ್ಲ ಎಂದು ಎಚ್ಚರಿಕೆ ನೀಡಿದ್ದಾರೆ.