ಮಂಗಳೂರು: ತುಳುನಾಡಿನ ದೈವಾರಾಧನೆ ಬಗ್ಗೆ ನಿಂದನೆ-ಓರ್ವ ಆರೋಪಿಯ ಬಂಧನ

•   Mon, Oct 28 2019 08:05:50 PM



• ಮಂಗಳೂರು, ಅ 28(DaijiworldNews/SM): ಸಾಮಾಜಿಕ ಜಾಲ ತಾಣವಾದ ಫೇಸ್ ಬುಕ್ ನಲ್ಲಿ ತುಳುನಾಡಿನ ದೈವಾರಾಧನೆಯ ಬಗ್ಗೆ ಅವಹೇಳನಕಾರಿಯಾಗಿ ಬರಹ ಪ್ರಕಟಿಸಿದ್ದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪಿಯೋರ್ವನನ್ನು ಬಂಧಿಸಲಾಗಿದೆ. ಸಾಮಾಜಿಕ ಜಾಲ ತಾಣಾದಲ್ಲಿ ದೈವದ ಬಗ್ಗೆ ಅವಹೇಳನ ಮಾಡಲಾಗಿತ್ತು. ಇದರ ವಿರುದ್ಧ ಶಾಸಕ ವೇದವ್ಯಾಸ್ ಕಾಮತ್ ಸೇರಿದಂತೆ ಕರಾವಳಿಯಲ್ಲಿ ಆಕ್ರೋಶ ವ್ಯಕ್ತವಾಗಿತ್ತು. 

  

  ಈ ವಿಚಾರವನ್ನು ಗಂಭೀರವಾಗಿ ತೆಗೆದುಕೊಂಡ ಮಂಗಳೂರು ನಗರ ಕಮಿಷನರ್ ಡಾ. ಹರ್ಷಾ ಅವರು ಪ್ರಕರಣವನ್ನು ತೀವ್ರ ತನಿಖೆಗೊಳಪಡಿಸುವಂತೆ ಸೈಬರ್ ಕ್ರೈಂಪೊಲೀಸರಿಗೆ ಸೂಚಿಸಿದ್ದರು. ಅದರಂತೆ ತನಿಖೆ ನಡೆಸಿದ ಸೈಬರ್ ಕ್ರೈಂ ಪೊಲೀಸರು ಆರೋಪಿಯನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಉತ್ತರ ಕನ್ನಡ ಮೂಲದ ಮುದ್ದುರಾಜು ಬಂಧಿತ ಆರೋಪಿಯಾಗಿದ್ದಾನೆ.

  ಬಂಧಿತ ಆರೋಪಿ ವಾರಗಳ ಹಿಂದೆ ಫೇಸ್ ಬುಕ್ ನ ಟ್ರೋಲ್ ಹು ಟ್ರೋಲ್ ಕನ್ನಡಿಗ ಪೇಜ್ ನಲ್ಲಿ ದೈವಾರಾಧನೆಯ ಬಗ್ಗೆ ನಿಂಧನೆ ಮಾಡಿದ್ದ. ಇದೀಗ ಪ್ರಕರಣಕ್ಕೆ ಸಂಬಂಧಿಸಿ ಆತನನ್ನು ಬಂಧಿಸಿದ್ದು, ಪೊಲೀಸರು ತನಿಖೆ ತೀವ್ರಗೊಳಿಸಿದ್ದಾರೆ.