ಕಾಸರಗೋಡು: ಅಜ್ಜಿಯೊಂದಿಗೆ ಪೇಟೆಗೆ ಬಂದಿದ್ದ ಬಾಲಕಿ ರೈಲಿನಡಿ ಸಿಲುಕಿ ಸಾವು

•   Fri, Oct 25 2019 09:56:35 PM



• ಕಾಸರಗೋಡು, ಅ 25 (DaijiworldNews/SM): ರೈಲು ಡಿಕ್ಕಿ ಹೊಡೆದು ವಿದ್ಯಾರ್ಥಿನಿಯೋರ್ವಳು ದಾರುಣವಾಗಿ ಮೃತಪಟ್ಟ ಘಟನೆ ಕಾಸರಗೋಡು ಜಿಲ್ಲೆಯ ಉಪ್ಪಳದಲ್ಲಿ ನಡೆದಿದೆ. ಮೃತಪಟ್ಟ ವಿದ್ಯಾರ್ಥಿನಿಯನ್ನು ಉಪ್ಪಳದ ಶಾರದಾ ನಗರದ ಮನೋಜ್ ಹಾಗೂ ಸತ್ಯಾ ದಂಪತಿಯ ಪುತ್ರಿ ಮಂಜೂಷಾ(12) ಎಂದು ಗುರುತಿಸಲಾಗಿದೆ.

  

  ಈಕೆ ಉಪ್ಪಳ ಸರಕಾರಿ ಹೈಸ್ಕೂಲಿನ ಏಳನೇ ತರಗತಿ ವಿದ್ಯಾರ್ಥಿನಿಯಾಗಿದ್ದಳು. ಅಜ್ಜಿಯ ಜೊತೆ ಸಂಜೆ ಉಪ್ಪಳ ಪೇಟೆಗೆ ಬಂದಿದ್ದ ಮಂಜೂಷಾ ಹಳಿ ದಾಟುತ್ತಿದ್ದಾಗ ಭಾರೀ ಮಳೆಯಿಂದಾಗಿ ರೈಲು ಬಂದಿದ್ದು ಆಕೆಗೆ ಅರಿವಿಗೆ ಬಾರದೇ ಡಿಕ್ಕಿ ಹೊಡೆದಿದೆ. ರೈಲು ಡಿಕ್ಕಿ ಹೊಡೆದು ವಿದ್ಯಾರ್ಥಿನಿ ಸ್ಥಳದಲ್ಲೇ ಮೃತಪಟ್ಟಿದ್ದಾಳೆ ಎಂದು ತಿಳಿದು ಬಂದಿದೆ.

  ಮೃತದೇಹವನ್ನು ಮಂಗಲ್ಪಾಡಿ ತಾಲೂಕು ಆಸ್ಪತ್ರೆಯ ಶವಾಗಾರದಲ್ಲಿರಿಸಲಾಗಿದೆ. ಮಂಜೇಶ್ವರ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.