ನಂತೂರಿನಲ್ಲಿ ಟ್ರಾಫಿಕ್ ಪೊಲೀಸ್ ಸಿಬ್ಬಂದಿ ಮೇಲೆ ಹಲ್ಲೆ - ಇಬ್ಬರ ಬಂಧನ

•   Fri, Oct 25 2019 12:16:01 PM



• ಮಂಗಳೂರು, ಅ 25 (Daijiworld News/MSP): ನಗರದ ನಂತೂರು ವೃತ್ತದ ಬಳಿ, ಗುರುವಾರ ಕರ್ತವ್ಯ ನಿರತ ಕದ್ರಿ ಟ್ರಾಫಿಕ್ ಪೊಲೀಸ್ ಠಾಣೆಯ ಕಾನ್ ಸ್ಟೆಬಲ್ ಯತೀಶ್ ಅವರ ಮೇಲೆ ಕಾರಿನಲ್ಲಿ ಬಂದ ಇಬ್ಬರು ಹಲ್ಲೆ ನಡೆಸಿದ್ದಾರೆ.

  

  ಕೆ.ಎ 19 ಎಂ.ಕೆ. 3529 ನಂಬರಿನ ಕಾರು ಚಾಲಕ ಕೃಷ್ಣಾಪುರ 7ನೇ ಬ್ಲಾಕ್ ನಿವಾಸಿ ಇರ್ಫಾನ್ (31) ಹಾಗೂ ಪುತ್ತೂರು ಸಂಪ್ಯ ನಿವಾಸಿ ಅಬ್ದುಲ್ ಅಜೀಜ್ (52) ಹಲ್ಲೆ ಆರೋಪಿಗಳಾಗಿದ್ದು, ಅವರನ್ನು ಕದ್ರಿ ಪೊಲೀಸರು ಬಂಧಿಸಿದ್ದಾರೆ.

  ನಂತೂರು ವೃತ್ತದ ಬಳಿ ಟ್ರಾಫಿಕ್ ಹೆಚ್ಚಾಗಿದ್ದ ಕಾರಣ ಕಾರು ಚಾಲಕನನ್ನು ನಿಲ್ಲಿಸುವಂತೆ ಯತೀಶ್ ಸೂಚನೆ ನೀಡಿದಾಗ ಚಾಲಕ ನಿರ್ಲಕ್ಷಿಸಿ ಮುಂದುವರಿದಿದ್ದ. ಆ ಸಂದರ್ಭದಲ್ಲಿ ಕಾನ್ ಸ್ಟೆಬಲ್ ಯತೀಶ್ ಅವರು ಕಾರಿನ ಪೋಟೋ ತೆಗೆದಿದ್ದಾರೆ. ಇದರಿಂದ ಸಿಟ್ಟುಗೊಂಡ ಇರ್ಪಾನ್ ಹಾಗೂ ಅಬ್ದುಲ್ ಅಜೀಜ್ ಕಾರನ್ನು ತಿರುಗಿಸಿ ಬಂದು ಯತೀಶ್ ಗೆ ಅವಾಚ್ಯವಾಗಿ ನಿಂದಿಸಿ ಕೈಯಿಂದ ಹಲ್ಲೆ ನಡೆಸಿದ್ದಾರೆ ಎಂದು ಆರೋಪಿಸಲಾಗಿದೆ. ಕದ್ರಿ ಪೊಲೀಸ್ ಠಾಣೇಯಲ್ಲಿ ಪ್ರಕರಣ ದಾಖಲಾಗಿದೆ.