ಉಡುಪಿ: ಸಮುದ್ರಪಾಲಾಗುತ್ತಿದ್ದ ಮೀನುಗಾರನ ರಕ್ಷಣೆ

•   Thu, Oct 24 2019 12:03:06 AM



• ಉಡುಪಿ, ಅ 23 (DaijiworldNews/SM): ಮೀನುಗಾರಿಕೆಗೆ ತೆರಳಿದ್ದ ಸಂದರ್ಭ ಸಮುದ್ರಪಾಲಾಗಿದ್ದ ಮೀನುಗಾರನೊಬ್ಬನನ್ನು ರಕ್ಷಿಸಿರುವ ಘಟನೆ ಮಲ್ಪೆ ಲೈಟ್ ಹೌಸ್ ಬಳಿ ನಡೆದಿದೆ. ಗೋರಾಯ ರಾವ್(33) ರಕ್ಷಿಸಲ್ಪಟ್ಟ ಮೀನುಗಾರನಾಗಿದ್ದಾರೆ.

  

  

  ಭಾರತೀಯ ಕೋಸ್ಟ್ ಗಾರ್ಡ್ ಸಿಬ್ಬಂದಿಗಳು ಮಿಂಚಿನ ಕಾರ್ಯಾಚರಣೆ ನಡೆಸಿ ಮೀನುಗಾರನನ್ನು ರಕ್ಷಿಸಿದ್ದಾರೆ. ಮಂಗಳೂರಿನಿಂದ ಮೀನುಗಾರಿಕೆಗೆ ತೆರಳಿದ್ದ ಬೋಟ್ ನಲ್ಲಿ ಮೀನುಗಾರಿಕೆಗೆಂದು ಗೋರಾಯ ತೆರಳಿದ್ದರು. ಈ ಸಂದರ್ಭ ಆಯತಪ್ಪಿ ಸಮುದ್ರಕ್ಕೆ ಬಿದ್ದಿದ್ದಾರೆ ಎಂದು ತಿಳಿದು ಬಂದಿದೆ. ಸುದ್ದಿ ತಿಳಿದಾಕ್ಷಣ ಕೋಸ್ಟ್ ಗಾರ್ಡ್ ಸಂಬಂಧಿಸಿದ ಬೋಟ್ ಹಾಗೂ ಸಿಬ್ಬಂದಿಗಳು ಕಾರ್ಯಾಚರಣೆ ನಡೆಸಿ ಮೀನುಗಾರನನ್ನು ರಕ್ಷಿಸಿದ್ದಾರೆ.

  ಇನ್ನು ಈ ಮೀನುಗಾರ ಒರಿಸ್ಸಾ ಮೂಲದವರೆಂದು ತಿಳಿದು ಬಂದಿದೆ. ನೀರಿನಿಂದ ಮೇಲಕ್ಕೆತ್ತಿದ ಮೀನುಗಾರನಿಗೆ ಪ್ರಥಮ ಚಿಕ್ಇತ್ಸೆ ನೀಡಿದ ಬಳಿಕ ಆಸ್ಪತ್ರೆಗೆ ರವಾನಿಸಲಾಗಿದೆ.