ಮಂಗಳೂರು: ಮೀನುಗಾರರ ಸಮಯಪ್ರಜ್ಞೆ - ಸೇತುವೆಯಿಂದ ಹಾರಿ ಆತ್ಮಹತ್ಯೆಗೆ ಯತ್ನಿಸಿದಾತನ ರಕ್ಷಣೆ

•   Wed, Oct 16 2019 05:00:42 PM



• ಮಂಗಳೂರು, ಅ 16 (Daijiworld News/MSP):ನಗರದ ನೇತ್ರಾವತಿ ಸೇತುವೆಯಿಂದ ವ್ಯಕ್ತಿಯೋರ್ವ ನದಿಗೆ ಹಾರಿ ಆತ್ಮಹತ್ಯೆಗೆ ಯತ್ನಿಸಿದ ಘಟನೆ ಅ. 16 ರ ಬುಧವಾರ ನಡೆದಿದೆ.

  

  

  

  

  

  ಮಧ್ಯ ವಯಸ್ಸಿನ ವ್ಯಕ್ತಿಯೊಬ್ಬರು ಸೇತುವೆ ಬಳಿ ಬಂದಿದ್ದು, ಜನರು ನೋಡನೋಡುತ್ತಿದ್ದಂತೆಯೇ ಸೇತುವೆಯಿಂದ ನದಿಗೆ ಹಾರಿದ್ದಾರೆ. ತಕ್ಷಣ ಇದನ್ನು ಗಮನಿದ ಸ್ಥಳೀಯ ಮೀನುಗಾರರು ದೋಣಿಯ ಮೂಲಕ ತೆರಳಿ ವ್ಯಕ್ತಿಯನ್ನು ರಕ್ಷಣೆ ಮಾಡಿ ಸ್ಥಳೀಯ ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಿದ್ದಾರೆ.

  ಕಂಕನಾಡಿ ಠಾಣಾ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದ್ದು, ಆತ್ಮಹತ್ಯೆಗೆ ಯತ್ನಿಸಿದ ವ್ಯಕ್ತಿಯನ್ನು ಬೆಂಗಳೂರು ಮೂಲದ ಎಲ್ಡ್ರಾಂಬಾಬು ಎಂದು ಗುರುತಿಸಲಾಗಿದೆ.