ವಿಟ್ಲ: ಪೊಲೀಸ್ ಮಾಹಿತಿ ನೀಡಿದ ಶಂಕೆ- ವ್ಯಕ್ತಿಗೆ ಹಲ್ಲೆ, ಜೀವಬೆದರಿಕೆ

•   Wed, Oct 16 2019 10:18:05 AM



• ವಿಟ್ಲ, ಅ 16 (Daijiworld News/MSP): ಪೊಲೀಸ್ ಬಾತ್ಮೀದಾರಿಕೆ ಮಾಡಿದ ಶಂಕೆಯಲ್ಲಿ ವ್ಯಕ್ತಿಯೊಬ್ಬನ ಮೇಲೆ ಮಾರಣಾಂತಿಕ ಹಲ್ಲೆ ಮಾಡಿದ ಘಟನೆ ಸಾಲೆತ್ತೂರು ಗ್ರಾಮದ ಮೆದು ಎಂಬಲ್ಲಿ ಅ. 15 ರ ಮಂಗಳವಾರ ನಡೆದಿದೆ.

  

  ಕೊಳ್ನಾಡು ಮಣ್ಣಗದ್ದೆ ಮನೆ ನಿವಾಸಿ ಅಬ್ದುಲ್ ಹ್ಯಾರಿಸ್ (22) ಹಲ್ಲೆಗೊಳಗಾದ ವ್ಯಕ್ತಿಯಾಗಿದ್ದಾರೆ. ಕಾರಿನಲ್ಲಿ ತಾಯಿ ಕರೆದುಕೊಂಡು ಅಕ್ಕನ ಮನೆಗೆ ಹೋಗುತ್ತಿದ್ದ ಸಮಯ ಮೆದು ಎಂಬಲ್ಲಿ ಓಮ್ನಿಯಲ್ಲಿ ಬಂದ ಬಶೀರ್ ಕಾರು ತಡೆದು, ಪೊಲೀಸರಿಗೆ ಬಾರಿ ಮಾಹಿತಿ ಕೊಡುತ್ತೀಯಾ ಎಂದು ಅವಾಚ್ಯ ಶಬ್ದಗಳಿಂದ ಬೈದು, ಕಬ್ಬಿಣದ ಕಾಡ್‌ನಿಂದ ಹಲ್ಲೆ ನಡೆಸಿದ್ದೂ ಅಲ್ಲದೆ, ಕೊಲ್ಲದೆ ಬಿಡುವುದಿಲ್ಲ ಎಂದು ಜೀವ ಬೆದರಿಕೆ ಹಾಕಿದ ಬಗ್ಗೆ ವಿಟ್ಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.