ಕಾಸರಗೋಡು: ಬಸ್‌ನಲ್ಲಿ ಸಾಗಿಸುತ್ತಿದ್ದ 12 ಕೆಜಿ ಬೆಳ್ಳಿ ವಶ

•   Wed, Oct 09 2019 10:47:07 AM



• ಕಾಸರಗೋಡು, ಅ 09 (Daijiworld News/MSP): ಮಂಗಳೂರಿನಿಂದ ಕಾಸರಗೋಡಿಗೆ ಬರುತ್ತಿದ್ದ ಬಸ್ಸಿನಲ್ಲಿ ಸೂಕ್ತ ದಾಖಲೆಗಳಿಲ್ಲದೆ ಸಾಗಿಸುತ್ತಿದ್ದ 12 ಕೆ.ಜಿ. ಬೆಳ್ಳಿಯನ್ನು ಅಬಕಾರಿ ದಳದವರು ವಶಪಡಿಸಿಕೊಂಡು ಉಪ್ಪಿನಂಗಡಿಯ ಕೇಶವ (45) ಎಂಬಾತನನ್ನು ಬಂಧಿಸಿದ್ದಾರೆ. 

  

  ಸಾಂದರ್ಭಿಕ ಚಿತ್ರ

  ಮಂಗಳೂರಿನಿಂದ ಕಾಸರಗೋಡಿಗೆ ಬರುತ್ತಿದ್ದ ಕರ್ನಾಟಕ ಸಾರಿಗೆ ಬಸ್‌ ಅನ್ನು ಮಂಜೇಶ್ವರ ವಾಮಂಜೂರಿನ ಚೆಕ್ ಪೋಸ್ಟ್ ಬಳಿ ತಪಾಸಣೆ ನಡೆಸಿದಾಗ ದಾಖಲೆಗಳಿಲ್ಲದೆ ಸಾಗಣೆ ಮಾಡಲಾಗುತ್ತಿದ್ದ ಬೆಳ್ಳಿಯ ಗಟ್ಟಿಗಳು ಪತ್ತೆ ಆಗಿದ್ದವು.
  ಆರೋಪಿಯನ್ನು ವಾಣಿಜ್ಯ ತೆರಿಗೆ ಅಧಿಕಾರಿಗಳಿಗೆ ಹಸ್ತಾಂತರಿಸಲಾಗಿದೆ.

  ಮಂಗಳೂರಿನಿಂದ ಕುಂಬಳೆಯ ಜುವೆಲ್ಲರಿಯೊಂದಕ್ಕೆ ಬೆಳ್ಳಿ ಸಾಗಣೆ ಮಾಡುತ್ತಿದ್ದೆ ಎಂದು ಆರೋಪಿ ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾನೆ. ಅಬಕಾರಿ ಸರ್ಕಲ್ ಇನ್ ಸ್ಪೆಕ್ಟರ್ ಸಚ್ಚಿದಾನಂದನ್, ಇನ್ ಸ್ಪೆಕ್ಟರ್ ಮುರಳೀಧರ ಎಂಬುವರ ನೇತೃತ್ವದಲ್ಲಿಕಾರ್ಯಾಚರಣೆ ನಡೆಸಲಾಗಿತ್ತು.