ಕಾಸರಗೋಡು: ಸೇತುವೆಯಿಂದ ಆಕಸ್ಮಿಕವಾಗಿ ನದಿಗೆ ಬಿದ್ದು ಓರ್ವ ಮೃತ್ಯು

•   Tue, Oct 08 2019 11:20:55 AM



• ಕಾಸರಗೋಡು, ಅ 8 (Daijiworld News/RD): ಕುಂಬಳೆ ಸಮೀಪದ ಶಿರಿಯದಲ್ಲಿ ರೈಲ್ವೇ ಹಳಿಯ ಸೇತುವೆಯಿಂದ ನದಿಗೆ ಬಿದ್ದು ಓರ್ವ ಮೃತಪಟ್ಟ ಘಟನೆ ಅಕ್ಟೋಬರ್‍ ೮ ರ ಮಂಗಳವಾರ ನಡೆದಿದೆ.

  

  ಮೃತರನ್ನು ಬೇಡಡ್ಕದ ಅನಂತ (40) ಎಂದು ಗುರುತಿಸಲಾಗಿದೆ. ಸ್ನೇಹಿತರ ಜೊತೆ ಬಂದಿದ್ದಾಗ ಈ ಘಟನೆ ನಡೆದಿದೆ.
  ಸೇತುವೆ ಮೇಲಿಂದ ಆಕಸ್ಮಿಕವಾಗಿ ಹೊಳೆಗೆ ಬಿದ್ದು ಈ ದುರ್ಘಟನೆ ನಡೆದಿದ್ದು, ಘಟನಾ ಸ್ಥಳಕ್ಕೆ ಆಗಮಿಸಿದ್ದಾರೆ.

  ಅಗ್ನಿಶಾಮಕ ದಳದ ಸಿಬಂದಿಗಳು ಶೋಧ ಕಾರ್ಯ ನಡೆಸಿ ಮೃತದೇಹವನ್ನು ಮೇಲಕ್ಕೆತ್ತಿದ್ದಾರೆ. ಈ ಬಗ್ಗೆ ಕುಂಬಳೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.