ಕಾಸರಗೋಡು: ತಾಯಿ, ಮಗಳು ಕೆರೆಯಲ್ಲಿ ಶವವಾಗಿ ಪತ್ತೆ

•   Sat, Oct 05 2019 01:59:40 PM



• ಕಾಸರಗೋಡು, ಅ 05(Daijiworld News/MSP): ಇಲ್ಲಿನ ನೀರ್ಚಾಲು ಮಾನ್ಯ ಮೇಗಿನಡ್ಕದಲ್ಲಿ ತಾಯಿ ಮಗಳು ಕೆರೆಯಲ್ಲಿ ಶವವಾಗಿ ಪತ್ತೆಯಾಗಿರುವ ಘಟನೆ ಅ.05 ರ ಶನಿವಾರ ನಡೆದಿದೆ.

  

  

   

  ಮೃತಪಟ್ಟವರನ್ನು ಮೇಗಿನಡ್ಕ ನಿವಾಸಿ ಗೋಪಾಲಕೃಷ್ಣ ರಾವ್ ಪತ್ನಿ ಶಾಂತ ಮತ್ತು ಅವರ ಪುತ್ರಿ ಮಲ್ಲಿಕಾ ಎಂದು ಗುರುತಿಸಲಾಗಿದೆ. ಪುತ್ರಿ ಮಲ್ಲಿಕಾ ಅವರು ಅವಿವಾಹಿತರಾಗಿದ್ದರು ಎಂದು ತಿಳಿದು ಬಂದಿದೆ.

  ಇಂದು ಬೆಳಿಗ್ಗೆ ಮನೆಯಿಂದ ೧೦೦ ಮೀಟರ್ ದೂರದ ಕೆರೆಯಲ್ಲಿ ಮೃತದೇಹ ಪತ್ತೆಯಾಗಿದೆ. ಬೆಳಿಗ್ಗೆ ಮನೆಯವರು ಎದ್ದಾಗ ಇಬ್ಬರು ನಾಪತ್ತೆಯಾಗಿದ್ದರು, ಮನೆಯವರು ಅವರ ಪತ್ತೆಗಾಗಿ ಶೋಧ ನಡೆಸಿದಾಗ ಕೆರೆ ಬಳಿ ಚಪ್ಪಲಿ ಪತ್ತೆಯಾಗಿದೆ. ಬಳಿಕ ಗಮನಿಸಿದಾಗ ಕೆರೆಯಲ್ಲಿ ಮೃತದೇಹ ಪತ್ತೆಯಾಗಿದೆ. ಕಾಸರಗೋಡಿನ ಅಗ್ನಿಶಾಮಕ ದಳದ ಸಿಬ್ಬಂದಿಗಳು ಮೃತದೇಹ ಮೇಲಕ್ಕೆತ್ತಿದ್ದಾರೆ. ಸಾವಿಗೆ ಕಾರಣವೇನು ಎಂದು ತಿಳಿದುಬಂದಿಲ್ಲ, ಈ ಬಗ್ಗೆ ಬದಿಯಡ್ಕ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.