ಮಂಗಳೂರು: ಸ್ನೇಹಿತರೊಂದಿಗೆ ಸ್ನಾನಕ್ಕೆ ತೆರಳಿದ್ದ ವಿದ್ಯಾರ್ಥಿ ನದಿಯಲ್ಲಿ ಮುಳುಗಿ ಸಾವು

•   Fri, Oct 04 2019 11:05:42 PM



• ಮಂಗಳೂರು, ಅ 04 (DaijiworldNews/SM): ನದಿಯ ನೀರಿನಲ್ಲಿ ಮುಳುಗಿ ಯುವಕನೋರ್ವ ಮೃತಪಟ್ಟಿರುವ ಘಟನೆ ಕಟೀಲು ಸಮೀಪದ ಮಿತ್ತಬೈಲು ಎಂಬಲ್ಲಿ ಶುಕ್ರವಾರ ನಡೆದಿದೆ. 

  

  ಮೃತಪಟ್ಟ ಯುವಕನನ್ನು ಶಿಬರೂರು ದೆಲಂತಬೆಟ್ಟುವಿನ ಕೈಯೂರು ನಿವಾಸಿ ಕೃಷ್ಣ ಆಚಾರ್ಯ ಎಂಬವರ ಪುತ್ರ ಉದಯ ಆಚಾರ್ಯ ಎಂದು ಗುರುತಿಸಲಾಗಿದೆ.

  ಯುವಕನು ತನ್ನ ಗೆಳೆಯರೊಂದಿಗೆ ಸೇರಿ ಕಟೀಲು ಸಮೀಪದ ನಂದಿನಿ ನದಿಯಲ್ಲಿ ಈಜಲು ತೆರಳಿದ್ದ. ಈ ವೇಳೆ ಆತ ಆಕಸ್ಮಿಕವಾಗಿ ನೀರಿನಲ್ಲಿ‌ ಮುಳುಗಿ ಸಾವನ್ನಪ್ಪಿದ್ದಾನೆ ಎನ್ನಲಾಗಿದೆ. ನೀರಿನಲ್ಲಿ ‌ಮುಳುಗುತ್ತಿದ್ದ ಯುವಕನನ್ನು ತನ್ನ ಜೊತೆಗಿದ್ದ ಗೆಳೆಯರು ರಕ್ಷಿಸಲು ಹರ ಸಾಹಸ ಪಟ್ಟರೂ ಯಾವುದೇ ಪ್ರಯೋಜನವಾಗಿಲ್ಲ.

  ಶಿಬರೂರು ದೇಲಂತಬೆಟ್ಟುವಿನ‌ ಕೈಯೂರು ನಿವಾಸಿ‌ ಉದಯ ಆಚಾರ್ಯ ಮಂಗಳೂರಿನ ಕೆ.ಪಿ.ಟಿ ಯಲ್ಲಿ ಪ್ರಥಮ ವರ್ಷದ ಐ.ಟಿ.ಐ ವಿದ್ಯಾರ್ಥಿಯಾಗಿದ್ದ ಎಂದು ತಿಳಿದು ಬಂದಿದೆ.

  ಘಟನೆಯ ಬಗ್ಗೆ ಬಜಪೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.