ಮಂಗಳೂರು: ಹಾಡು ಹಗಲೆ ಚಿನ್ನದ ವ್ಯಾಪಾರಿಯ ಮೇಲೆ ದರೋಡೆ - ವಿಡಿಯೋ ವೈರಲ್

•   Fri, Sep 27 2019 10:23:24 AM



• ಮಂಗಳೂರು, ಸೆ 27 (Daijiworld News/RD): ಹಾಡು ಹಗಲೆ ಚಿನ್ನದ ವ್ಯಾಪಾರಿಯೊಬ್ಬರಿಂದ ನಾಲ್ವರ ತಂಡ 1 ಲಕ್ಷ ರೂ. ಸುಲಿಗೆ, ಮಾಡಿ ಪರಾರಿಯಾದ ಘಟನೆ ಕಾರ್‍ ಸ್ಟ್ರೀಟ್ ಬಳಿ ನಡೆದಿದೆ. ಈ ದೃಶ್ಯ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಜಾಲಾತಾಣದಲ್ಲಿ ವೈರಲ್ ಆಗಿದೆ.

  

  
  ಚಿನ್ನದ ವ್ಯಾಪಾರಿ ಅಹಮ್ಮದ್ ಎಂಬವರು ಕಾರ್‍ ಸ್ಟ್ರೀಟ್ ನಲ್ಲಿ ಚಿನ್ನ ಕರಗಿಸಿ ತೊಕ್ಕೊಟ್ಟುವಿನಲ್ಲಿರುವ ಅಂಗಡಿಗೆ ಹೋಗುತ್ತಿದ್ದ ಸಂದರ್ಭ ಸುಮಾರು 1 ಲಕ್ಷ ರೂ ಹಿಡಿದುಕೊಂಡು ಭವಂತಿ ಸ್ಟ್ರೀಟ್ ರಸ್ತೆಯತ್ತ ಸಾಗುತ್ತಿದ್ದರು. ಈ ಸಂದರ್ಭ ಅಪರಿಚಿತ ವ್ಯಕ್ತಿಯೊಬ್ಬ ಏಕಾಏಕಿ ಓಡಿ ಬಂದು ಅಹಮ್ಮದ್ ಅವರ ಕೈಯಿಂದ 1 ಲಕ್ಷ ರೂ ಹಣ ಎಗರಿಸಿಕೊಂಡು ಓಡಿ ಹೋಗಿದ್ದಾನೆ. ಕೂಡಲೇ ಅಹಮದ್ ಬೆನ್ನಟ್ಟಿಕೊಂಡು ಹೋಗಿದ್ದಾರೆ.

  ಅಹಮ್ಮದ್ ಅವರು ಬೆನ್ನಟ್ಟುತ್ತಿದ್ದಂತೆಯೇಆರೋಪಿ ನೋಂದಣಿ ಸಂಖ್ಯೆಯಿಲ್ಲದ ನೀಲಿ ಬಣ್ಣದ ಕಾರಿನತ್ತ ಓಡಿದ್ದಾನೆ. ಇದರಿಂದ ವಿಚಲಿತರಾದ ಕಾರಿನೊಳಗಿದ್ದವರು ಸೇರಿದಂತೆ ನಾಲ್ವರು ಕೂಡ ಕಾರನ್ನು ಅಲ್ಲೇ ಬಿಟ್ಟು ಪರಾರಿಯಾಗಿದ್ದಾರೆ. ಈ ದೃಶ್ಯ ಅಲ್ಲೇ ಅಂಗಡಿಯೊಂದರಲ್ಲಿ ಇದ್ದ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಸಾಮಾಜಿಕ  ಜಾಲಾತಾಣದಲ್ಲಿ ವೈರಲ್ ಆಗಿದೆ.

  ಘಟನಾ ಸ್ಥಳಕ್ಕೆ ಬಂದ ಮಂಗಳೂರು ಉತ್ತರ ಠಾಣೆ ಪೊಲೀಸರು ಕಾರನ್ನು ಪರಿಶೀಲಿನೆ ನಡೆಸಿ, ಬಳಿಕ ವಾಹನವನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ. ಈ ಬಗ್ಗೆ ಪ್ರಕರಣ ದಾಖಲಾಗಿದ್ದು, ಆರೋಪಿಗಳ ಪತ್ತೆ ಕಾರ್ಯ ನಡೆಯುತ್ತಿದೆ.