ಬಂಟ್ವಾಳ: ಗೋವುಗಳನ್ನು ಕಳ್ಳತನ ಮಾಡಿ ಮಾರಾಟ ಮಾಡಲು ಯತ್ನ-11 ಜಾನುವಾರು ಗಳ ರಕ್ಷಣೆ

•   Thu, Sep 26 2019 08:46:50 PM



• ಬಂಟ್ವಾಳ, ಸೆ 26 (DaijiworldNews/SM): ಮಾರಟ ಮಾಡುವ ಉದ್ದೇಶದಿಂದ ಕಳ್ಳತನ ಮಾಡಿ ಕಟ್ಟಿಹಾಕಿದ್ದ 11 ಜಾನುವಾರುಗಳನ್ನು ಬಂಟ್ವಾಳ ಗ್ರಾಮಾಂತರ ಠಾಣಾ ಪೋಲೀಸರು ವಶಪಡಿಸಿಕೊಂಡ ಘಟನೆ ಗುರುವಾರದಂದು ನಡೆದಿದೆ.

  
  

  ಬಂಟ್ವಾಳ ಗ್ರಾಮಾಂತರ ಠಾಣಾ ಪಿ.ಎಸೈ ಪ್ರಸನ್ನ ಎಂ.ಎಸ್ ರವರು ಖಚಿತ ವರ್ತಮಾನದ ಮೇರೆಗೆ ಫರಂಗಿಪೇಟೆ ಬಳಿಯ ಅಮ್ಮೆಮಾರ್ ಎಂಬಲ್ಲಿಗೆ ದಾಳಿ‌ ನಡೆಸಿ ಎಲ್ಲಿಂದಲೋ ಕಳ್ಳತನ ನಡೆಸಿ ತಂದು ಕಟ್ಟಿ ಹಾಕಿರುವ 4 ಹಾಲು ಕೊಡುವ ದನಗಳು ಸೇರಿಕೊಂಡಂತೆ ಒಂಬತ್ತು ಹಸುಗಳು ಹಾಗೂ 2 ಹೋರಿ ಕರುಗಳು ಸೇರಿದಂತೆ ಒಟ್ಟು 11 ಜಾನುವಾರು ಗಳನ್ನು ವಶಕ್ಕೆಪಡೆದುಕೊಂಡಿದ್ದಾರೆ.

  ವಶಪಡಿಸಿಕೊಂಡ ಜಾನುವಾರುಗಳ ಒಟ್ಟು ಮೌಲ್ಯ 1,01,000 ರೂಪಾಯಿಗಳಾಗಿದೆ. ಕಳ್ಳತನ ಮಾಡಿದ ಆರೋಪಿಗಳು ತಲೆಮರೆಸಿಕೊಂಡಿದ್ದು ಆರೋಪಿಗಳ ಪತ್ತೆಗೆ ಬಲೆ ಬೀಸಲಾಗಿದೆ.

  ದಾಳಿಯಲ್ಲಿ ಠಾಣಾ ಸಿಬ್ಬಂದಿಗಳಾದ ಹೆಚ್ ಸಿ ಜನಾರ್ದನ ಪೂಜಾರಿ, ಪಿಸಿ ಪುನೀತ್ ಮುಡಿಪು, ವಿಜಯ್ ಕುಮಾರ್, ಮಂಜುನಾಥ ಹಾಗೂ ಚಾಲಕ ಕಿರಣ್ ಕುಮಾರ್ ರವರು ಪಾಲ್ಗೊಂಡಿದ್ದರು.