ಉದಯೋನ್ಮುಖ ಗಾಯಕ ಓವಿನ್ ರೆಬೆಲ್ಲೊ ನೇಣಿಗೆ ಶರಣು

•   Sat, Sep 21 2019 02:40:27 PM



• ಶಿವಮೊಗ್ಗ, ಸೆ 21 (Daijiworld News/RD): ಉದಯೋನ್ಮುಖ ಗಾಯಕ ಮನೆಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಸೆ.21ರ ಶನಿವಾರ ಸಂಭವಿಸಿದೆ.

  

  

  ಮೃತನನ್ನು ಓವಿನ್ ರೆಬೆಲ್ಲೊ (21) ಎಂದು ಗುರುತಿಸಲಾಗಿದೆ.

  ಈತ ಶನಿವಾರ ಬೆಳಿಗ್ಗೆ 11 ಗಂಟೆ ಸುಮಾರಿಗೆ ತೀರ್ಥಹಳ್ಳಿಯ ಕಿಟ್ಟಿನಗದ್ದೆಯಲ್ಲಿರುವ ತನ್ನ ಮನೆಯಲ್ಲಿ ನೇಣು ಬಿಗಿದುಕೊಂಡಿದ್ದಾನೆ ಎಂದು ವರದಿಯಾಗಿದೆ. ಈತನು ಮಂಗಳೂರಿನ ಖಾಸಗಿ ಕಾಲೇಜಿನಲ್ಲಿ ಇಂಜಿನಿಯರಿಂಗ್ ಶಿಕ್ಷಣ ಪೂರ್ಣಗೊಳಿಸಿದ್ದು, ಉದ್ಯೋಗಕ್ಕಾಗಿ ಕಾಯುತ್ತಿದ್ದ ಎನ್ನಲಾಗಿದೆ.

  ಮೃತನು ಉದಯೋನ್ಮುಖ ಹಾಡುಗಾರನಾಗಿದ್ದು, ಹಲವಾರು ರಿಯಲಿಟಿ ಶೋಗಳಲ್ಲಿ ಪಾಲ್ಗೊಂಡಿದ್ದನು. ಡೈಜಿ ವಲ್ಢ್ ಟಿವಿ ನಡೆಸಿದ "ಮುಜೊ ತಾಳೊ ಗಾಯ್ತಾಲೊ" ಎಂಬ ರಿಯಾಲಿಟಿ ಶೋ ನಲ್ಲಿ ಸೆಮಿ ಫೈನಲ್ ತಲುಪಿದ್ದು, ಅಪಾರ ಅಭಿಮಾನಿ ಬಳಗವನ್ನು ಹೊಂದಿದ್ದನು.

  ಮೃತನ ಅಣ್ಣ ವಿದೇಶದಲ್ಲಿ ಉದ್ಯೋಗದಲ್ಲಿದ್ದು, ಈತನು ಮನೆಯಲ್ಲಿ ಪೋಷಕರ ಜೊತೆ ವಾಸವಾಗಿದ್ದ.