ಮಂಗಳೂರು: ಪೊಲೀಸರ ಸಮವಸ್ತ್ರ ಹರಿದು ಕರ್ತವ್ಯಕ್ಕೆ ಅಡ್ಡಿ - ಆರೋಪಿಯ ಬಂಧನ

•   Fri, Sep 20 2019 11:04:49 AM



• ಮಂಗಳೂರು, ಸೆ 20 (Daijiworld News/MSP): ನಗರದ ಪಡೀಲ್ ನಲ್ಲಿ ಸಂಚಾರಿ ಪೊಲೀಸರ ಕರ್ತವ್ಯಕ್ಕೆ ಅಡ್ಡಿ ಪಡಿಸಿದ ಆರೋಪಿಯನ್ನು ಕಂಕನಾಡಿ ನಗರ ಪೊಲೀಸರು ಗುರುವಾರ ಬಂಧಿಸಿದ್ದಾರೆ.

  

  ಬಿ.ಸಿ ರೋಡ್ ನ ಮಹಮ್ಮದ್ ತೌಸಿಫ್ ಬಂಧಿತ ಆರೋಪಿ. ಸಂಚಾರ ದಕ್ಷಿಣ ಪೊಲೀಸ್ ಠಾಣೆ ಪಿಎಸ್ಐ ಸುಗುಮಾರನ್ ಮತ್ತು ಸಿಬ್ಬಂದಿ ಮಹಮ್ಮದ್ ಹನೀಫ್ ಇಲಾಖಾ ಸಮವಸ್ತ್ರದಲ್ಲಿ ಮಧ್ಯಾಹ್ನ ಪಡೀಲ್ ವೃತ್ತದ ಬಳಿ ವಾಹನ ತಪಾಸಣೆ ನಡೆಸುತ್ತಿದ್ದರು.

  ಈ ಸಂದರ್ಭ ಫರಂಗಿಪೇಟೆ ಕಡೆಯಿಂದ ಬಂದ ಕಾರಿನ ನಂಬರ್ ಪ್ಲೇಟ್ ದೋಷಪೂರಿತ ವಾಗಿರುವುದನ್ನು ಗಮನಿಸಿ ನಿಲ್ಲಿಸಲು ಸೂಚನೆ ನೀಡಿದ್ದಾರೆ. ಆರೋಪಿ ಕಾರು ನಿಲ್ಲಿಸಿದಾಗ ದೋಷಪೂರಿತ ನಂಬರ್ ಪ್ಲೇಟ್ ಸರಿಪಡಿಸುವಂತೆ ಪೊಲೀಸರು ತಿಳಿಸಿದ್ದಾರೆ. ಆಗ ಆರೋಪಿ ಅವಾಚ್ಯ ಶಬ್ದಗಳಿಂದ ಪಿಎಸ್ಐ ಅವರಿಗೆ ಬೈದಿದ್ದಾನೆ. ಆಗ ಮಹಮ್ಮದ್ ಹನೀಫ್ ಅವರ ಸಮಾಧಾನಪಡಿಸಲು ಯತ್ನಿಸಿದಾಗ ಅವರ ಸಮವಸ್ತ್ರಕ್ಕೆ ಕೈಹಾಕಿ ಹರಿದು ಸಾರ್ವಜನಿಕ ಸ್ಥಳದಲ್ಲಿ ಕರ್ತವ್ಯಕ್ಕೆ ಅಡ್ಡಿಪಡಿಸಿದ್ದ. ಈ ಬಗ್ಗೆ ಕಂಕನಾಡಿ ನಗರ ಠಾಣೆಗೆ ದೂರು ನೀಡಿದ್ದು ಪೊಲೀಸರು ತಕ್ಷಣ ಕಾರ್ಯಾಚರಣೆ ನಡೆಸಿ ಆರೋಪಿಯನ್ನು ಬಂಧಿಸಿ ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದಾರೆ.