ಕಡಬ: ಅರಣ್ಯಾಧಿಕಾರಿಗಳು ಹಲ್ಲೆ ನಡೆಸಿರುವ ಆರೋಪ-ನ್ಯಾಯಕ್ಕಾಗಿ ಯುವಕನಿಂದ ಮನವಿ

•   Thu, Sep 19 2019 08:11:39 PM



• ಕಡಬ, ಸೆ 19 (DaijiworldNews/SM): ಮರ ಕಳವುಗೈದಿದ್ದಾರೆ ಎಂದು ಆರೋಪಿಸಿ ಯುವಕನ ಮೇಲೆ ಸುಬ್ರಹ್ಮಣ್ಯದ ಅರಣ್ಯಾಧಿಕಾರಿಗಳು ಹಲ್ಲೆ ನಡೆಸಿದ್ದಾರೆ ಎಂದು ಆರೋಪಿಸಿರುವ ಯುವಕ ತನಗೆ ನ್ಯಾಯ ದೊರಕಿಸಿಕೊಡಬೇಕು ಎಂದು ಮನವಿ ಮಾಡಿದ್ದಾರೆ.

  

  
  ಕಡಬ ತಾಲೂಕು ಕೊಂಬಾರಿ ನಿವಾಸಿ ಲೊಕೇಶ್ ಎಂಬವರ ಹೆಸರು ಹೇಳಿಕೊಂಡು ಅರಣ್ಯದಲ್ಲಿದ್ದ ಬೆಲೆಬಾಳುವ ಮರಗಳನ್ನು ಕದ್ದುಕೊಂಡು ಹೋಗಿದ್ದಾರೆಂದು ದಾರಿಯಲ್ಲಿ ಲೋಕೇಶ್ ರನ್ನು ಅಡ್ಡಗಟ್ಟಿದ್ದ ಅರಣ್ಯಾಧಿಕಾರಿಗಳು ಐಬಿಗೆ ಕರೆದುಕೊಂಡು ಹಲ್ಲೆ ನಡೆಸಿದ್ದಾರೆ ಎನ್ನಲಾಗಿದೆ.

  ಅಲ್ಲದೆ ಇವರಿಂದ ಖಾಲಿ ಪತ್ರಕ್ಕೆ ಸಹಿ ಹಾಕಿಸಿಕೊಂಡು ಮುಚ್ಚಳಿಕೆ ಬರೆದುಕೊಂಡಿದ್ದಾರೆ. 25 ಸಾವಿರ ರೂಪಾಯಿ ದಂಡ ವಸೂಲಿ ಮಾಡಿದ್ದಾರೆ ಎಂದು ಲೋಕೇಶ್ ಆರೋಪಿಸಿದ್ದಾರೆ. ಅರಣ್ಯ ಅಧಿಕಾರಿಗಳ ಹಲ್ಲೆಯಿಂದಾಗಿ ನಡೆದಾಗಲು ಆಗದೆ ಲೋಕೇಶ್ ಅವರ ದೇಹ ಸ್ಥಿತಿ ಬಿಗಾಡಾಯಿಸಿದೆ ಎಂದು ನೀತಿ ತಂಡದ ನಾಯಕರು ಆರೋಪಿಸಿದ್ದಾರೆ.