ಕಾಸರಗೋಡು: ಮನೆಯ ಹಂಚು ತೆಗೆದು ಒಳ ನುಗ್ಗಿದ ಖತರ್ನಾಕ್ ಕಳ್ಳ ಪೊಲೀಸರ ಬಲೆಗೆ

•   Fri, Dec 29 2017 05:29:06 PM



• ಕಾಸರಗೋಡು, ಡಿ 29 : ಹಾಡಹಗಲೇ ಮನೆಯ ಹೆಂಚು ತೆಗೆದು ಮನೆಯೊಳಗೆ ನುಗ್ಗಿದ ಕಳ್ಳನನ್ನು ನಾಗರಿಕರು ಹಿಡಿದು ಪೊಲೀಸರಿಗೆ ಒಪ್ಪಿಸಿದ ಘಟನೆ ಚೆರ್ಕಳ ಸಮೀಪದ ಬಾಲಡ್ಕದಲ್ಲಿ ನಡೆದಿದೆ.

  

  ಚೆಂಗಳ ಬಂಬ್ರಾಣಿಯ ಎಂ. ಇಸ್ಮಾಯಿಲ್ (24) ಬಂಧಿತ ಆರೋಪಿ.

  ಬಾಲಡ್ಕದ  ಅಬೂಬಕ್ಕರ್ ಎಂಬವರ ಮನೆಯಲ್ಲಿ  ಈ ಘಟನೆ ನಡೆದಿದ್ದು, ಮನೆಯ ಹಂಚು ತೆಗೆದು ಮನೆಯೊಳಗೆ ನುಗ್ಗಲು ಯತ್ನ ನಡೆಸಿದ್ದಾನೆ. ಸ್ಥಳೀಯರು ಗಮನಿಸಿ ಕೂಡಲೇ ಈತನನ್ನು ಹಿಡಿದು ಬಳಿಕ ಪೊಲೀಸರಿಗೆ ವಿಷಯ ತಿಳಿಸಿದ್ದಾರೆ.

  ಇದೀಗ ಪೊಲೀಸರ ವಶದಲ್ಲಿರುವ ಎಂ. ಇಸ್ಮಾಯಿಲ್ ಬೇರೆ ಪ್ರಕರಣದಲ್ಲೂ ಶಾಮೀಲಾಗಿದ್ದಾನೆ ಎಂದು ಶಂಕಿಸಲಾಗಿದೆ. ಈ ಕುರಿತು ವಿದ್ಯಾನಗರ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.