ಹಿಂದೂಗಳ ಮತ ಕೇಳಬೇಡಿ, ಹೆಸರು ಬದಲಾಯಿಸಿ 5 ಬಾರಿ ನಮಾಜ್ ಮಾಡಿ – "ರೈ"ಗೆ ಜಗ್ಗೇಶ್ ಕಿವಿಮಾತು

•   Fri, Dec 29 2017 12:28:49 PM



• ಮಂಗಳೂರು, ಡಿ 29: ಬಂಟ್ವಾಳ ಕ್ಷೇತ್ರದಲ್ಲಿ ಸತತವಾಗಿ ಗೆದ್ದು ಬರಲು ಮುಸ್ಲಿಂ ಸಮುದಾಯವೇ ಕಾರಣ ಎಂದು ಹೇಳಿದ ಸಚಿವ ರಮಾನಾಥ ರೈ ಹೇಳಿಕೆಗೆ ಆಕ್ರೋಶ ವ್ಯಕ್ತವಾಗಿದ್ದು, ಇದೀಗ ನಟ ಜಗ್ಗೇಶ್ ಕೂಡ ಈ ಹೇಳಿಕೆಗೆ ಪ್ರತಿಕ್ರಿಯಿಸಿದ್ದಾರೆ.

  

  

  ಡಿ. 26 ರಂದು ನಗರದ ಪುರಭವನದಲ್ಲಿ ಕರ್ನಾಟಕ ಬ್ಯಾರಿ ಸಾಹಿತ್ಯ ಅಕಾಡೆಮಿಯ ವತಿಯಿಂದ ನಡೆದ ಬ್ಯಾರಿ ಸಾಂಸ್ಕೃತಿಕ ಸಂಭ್ರಮದಲ್ಲಿ ಸಚಿವ ರಮಾನಾಥ ರೈ ಅವರು, ಇವತ್ತು ಅಲ್ಲಾಹುವಿನ ಕೃಪೆಯಿಂದ ನನಗೆ ಆರು ಬಾರಿ ಶಾಸಕನಾಗಲು ಅವಕಾಶ ದೊರಕಿದೆ. ಇದಕ್ಕೆ ಮುಸ್ಲಿಂ‌ ಸಮುದಾಯವೇ ಕಾರಣ. ಮುಸ್ಲಿಮರ ಋಣ ತೀರಿಸಲು ಸಾಧ್ಯವಿಲ್ಲ ಎಂದು ಹೇಳಿಕೆ ನೀಡಿದ್ದರು.

  ರಮಾನಾಥ ರೈಹೇಳಿಕೆಗೆ ನಟ ಹಾಗೂ ಬಿಜೆಪಿ ಮುಖಂಡ ಜಗ್ಗೇಶ್ ಟ್ವೀಟ್ ಮಾಡಿದ್ದಾರೆ. ಟ್ವೀಟ್ ನಲ್ಲಿ ದಯಮಾಡಿ ಈಗಲೇ ಮುಲ್ಲಾ ಕರೆಸಿ ಕತ್ನ ಮಾಡಿಕೊಂಡು, ಮುಸ್ಲಿಮರಿಗೆ ವಿಧೇಯರಾಗಿ.. 5 ಬಾರಿ ನಮಾಜ್ ಶುರು ಮಾಡಿ.. ಯಾವುದೇ ಕಾರಣಕ್ಕೂ ಹಿಂದೂಗಳ ಮತ ಕೇಳಬೇಡಿ.. ನಿಮ್ಮ ಹೆಸರು ರಸತ್ತುಲ್ಲಾ ಎಂದು ಬದಲಾಯಿಸಿ ಚೆನ್ನಾಗಿ ಬಾಳಿ ಎಂದು ತಿಳಿಸಿದ್ದಾರೆ.