ಕಾಸರಗೋಡು ಡಿ 28 : ಹಾಡಹಗಲೇ ದೇವಸ್ಥಾನದ ಕಾಣಿಕೆ ಡಬ್ಬಿ ಕಳವುಗೈದು ಪರಾರಿಯಾಗಲು ಯತ್ನಿಸಿದ ಯುವಕನೋರ್ವನನ್ನು ಸ್ಥಳೀಯರು ಹಿಡಿದು ಪೊಲೀಸರಿಗೆ ಒಪ್ಪಿಸಿದ ಘಟನೆ ನಗರದಲ್ಲಿ ನಡೆದಿದೆ.
ನಗರದ ನೆಲ್ಲಿಕುಂಜೆ ಶ್ರೀ ಸುಬ್ರಹ್ಮಣ್ಯ ಕ್ಷೇತ್ರದ ಮುಂಭಾಗದಲ್ಲಿದ್ದ ಕಾಣಿಕೆ ಡಬ್ಬಿಯನ್ನು ಒಡಿಸ್ಸಾದ ಚಾಂದುಪಾಲ್ ಕಳವು ನಡೆಸಲು ಯತ್ನಿಸಿದವನು. ದೇವಸ್ಥಾನಕ್ಕೆ ಬಂದ ಸ್ಥಳೀಯರನ್ನು ಕಂಡು ಪರಾರಿಯಾಗಲೆತ್ನಿಸಿದ್ದು,
ಬೆನ್ನಟ್ಟಿ ಹಿಡಿದು ಕಾಸರಗೋಡು ನಗರ ಠಾಣಾ ಪೊಲೀಸರಿಗೆ ಒಪ್ಪಿಸಿದರು . ಕಾಣಿಕೆ ಡಬ್ಬಿಯಿಂದ ಕಳವುಗೈದನೆನ್ನಲಾದ 1500 ರೂ . ವನ್ನು ಈತನಿಂದ ವಶಪಡಿಸಿಕೊಳ್ಳಲಾಗಿದೆ. ಇದೇ ಕ್ಷೇತ್ರದಿಂದ ಇದಕ್ಕೂ ಮೊದಲು ಎರಡು ಬಾರಿ ಕಾಣಿಕೆ ಡಬ್ಬಿಯನ್ನು ಕಳವು ಗೈಯ್ಯಲಾಗಿತ್ತು.
ಚಾನಲ್ ಫಾಲೋ ಮಾಡಿ
