ಮಂಗಳೂರು: `ಸಸಿಕಾಂತ್ ಸೆಂಥಿಲ್ ನೇಣು ಹಾಕಿಕೊಳ್ಳಲಿ'-ಸುನಿಲ್ ಕುಮಾರ್ ಹೇಳಿಕೆಗೆ ಖಾದರ್ ತಿರುಗೇಟು

•   Tue, Sep 10 2019 08:08:01 PM



• ಮಂಗಳೂರು, ಸೆ 10 (DaijiworldNews/SM): ಮಾಜಿ ಐಎಎಸ್ ಅಧಿಕಾರಿ ಸಸಿಕಾಂತ್ ಸೆಂಥಿಲ್ ನೇಣು ಹಾಕಿಕೊಳ್ಳಬೇಕಾಗುತ್ತದೆ ಎಂಬ ಶಾಸಕ ಸುನಿಲ್ ಕುಮಾರ್ ಹೇಳಿಕೆ ವಿಚಾರಕ್ಕೆ ಸಂಬಂಧಿಸಿದಂತೆ ಮಾಜಿ ಸಚಿವ ಯು.ಟಿ. ಖಾದರ್ ಪ್ರತಿಕ್ರಿಯೆ ನೀಡಿದ್ದಾರೆ. ಹುಟ್ಟು ಹಾಗೂ ಸಾವಿನ ಬಗ್ಗೆ ಮಾತನಾಡುವ ಅಧಿಕಾರ ಯಾರಿಗೂ ಇಲ್ಲ. ಸುನಿಲ್ ಕುಮಾರ್ ಎಲ್ಲಿ ಹೇಗೆ ಸಾವು ಬರುತ್ತೆ ಎಂಬುದನ್ನು ತಿಳಿದಿದ್ದಾರೆಯೇ ಎಂದು ಖಾದರ್ ಪ್ರಶ್ನಿಸಿದ್ದಾರೆ. 

  

  ಸುದ್ದಿಗಾರರೊಂದಿಗೆ ಮಾತನಾಡಿದ ಖಾದರ್, ಯಾವುದೇ ವ್ಯಕ್ತಿಗೂ ಹೇಗೆ ಮತ್ತು ಯಾವಗಾ ಸಾಯುತ್ತೇನೆ ಎಂಬುವುದು ತಿಳಿದಿರುವುದಿಲ್ಲ. ಟೀಕೆ ಮಾಡುವ ಭರದಲ್ಲಿ ಇಂತಹ ಮಾತುಗಳನ್ನಾಡುವುದು ಸರಿಯಲ್ಲ. ನಾಳೆ ಸುನೀಲ್ ಕುಮಾರ್ ಯಾರ ಮನೆಯ ಬಳಿಯಾದರೂ ಬಿದ್ರೆ ಅವರಿಗೆ ನೀರು ಕೊಡೋರು‌ ಮುಸ್ಲಿಂ ಅಥವಾ ಬೇರೆ ಧರ್ಮದವರಾಗಿರಬಹುದು.ಎಲ್ಲಾ ವಿಚಾರಗಳಲ್ಲೂ ರಾಜಕೀಯ ಸಲ್ಲದು ಎಂದು ಖಾದರ್ ಸಲಹೆ ನೀಡಿದ್ದಾರೆ.

  ಇನ್ನು ನಳಿನ್ ಕುಮಾರ್ ‌ಅಸಂಬದ್ದ ಹೇಳಿಕೆ ನೀಡುತ್ತಿದ್ದಾರೆ. ಇದು ಅತ್ಯಂತ ಕೀಳು ಮಟ್ಟದ ಮತ್ತು ‌ಪಕ್ಷದ ನಾಯಕತ್ವ ಇಬ್ಬಾಗ ಮಾಡುವ ರಾಜಕೀಯವಾಗಿದೆ. ಇಡೀ ರಾಜ್ಯದಲ್ಲಿ ಅವರನ್ನು ಜೋಕರ್ ಎಂದು ಕರೆಯುತ್ತಾರೆ. ನಮ್ಮ ಜಿಲ್ಲೆಯವರನ್ನು ಜೋಕರ್ ಅಂತ ಕರೆಯೋದು ನಮಗೆ ಕಷ್ಟ ಎಂದರು. ಹಾಗಾಗಿ ಅವರು ಇನ್ನಾದರೂ ತಮ್ಮ ಮಾತು ಸರಿಪಡಿಸಲಿ ಎಂದು ಸಚಿವ ಖಾದರ್ ಟೀಕಿಸಿದ್ದಾರೆ.