ಪುತ್ತೂರು: ಕಾರ್ತಿಕ್ ಸುವರ್ಣ ಹತ್ಯೆ ಆರೋಪಿಗಳಿಗೆ ಕಠಿಣ ಶಿಕ್ಷೆ-ಸಚಿವ ಶ್ರೀನಿವಾಸ್ ಪೂಜಾರಿ

•   Mon, Sep 09 2019 06:52:07 PM



• ಪುತ್ತೂರು, ಸೆ 09 (DaijiworldNews/SM): ಗಣೇಶೋತ್ಸವ ಸಂದರ್ಭ ದುಷ್ಕರ್ಮಿಗಳಿಂದ ಕೊಲೆಯಾದ ಪುತ್ತೂರಿನ ಸಂಪ್ಯ ಬಳಿಯ ಮೆರ್ಲ ನಿವಾಸಿ ಕಾರ್ತಿಕ್ ಸುವರ್ಣರವರ ಮನೆಗೆ ಸೋಮವಾರ ರಾಜ್ಯ ಮುಜರಾಯಿ, ಬಂದರು ಹಾಗೂ ಮೀನುಗಾರಕಾ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಬೇಟಿ ನೀಡಿ ಸಾಂತ್ವನ ಹೇಳಿದರು.

  

  ಬಳಿಕ ಮಾಧ್ಯಮದವರೊಂದಿಗೆ ಮಾತನಾಡಿದ ಸಚಿವರು ಕಾರ್ತಿಕ್ ಕೊಲೆ ಪ್ರಕರಣದಲ್ಲಿ ಪ್ರತ್ಯಕ್ಷವಾಗಿ ಹಾಗೂ ಪರೋಕ್ಷವಾಗಿ ಭಾಗಿಯಾದವರಿಗೆ ಶಿಕ್ಷೆಯಾಗುವಂತೆ ಉನ್ನತ ಮಟ್ಟದ ಅಧಿಕಾರಿಗಳು ತನಿಖೆ ಮಾಡುವಂತೆ ಸರಕಾರ ಕ್ರಮ ಕೈಗೊಳ್ಳುತ್ತದೆ. ಸಂತ್ರಸ್ತ ಕುಟುಂಬಕ್ಕೆ ಪರಿಹಾರ ನೀಡಬೆಕೆಂದು ಮುಖ್ಯಮಂತ್ರಿಗಳ ಗಮನಕ್ಕೆ ತರುತ್ತೇವೆ ಎಂದರು.

  ಇನ್ನು ಅರೋಪಿಗಳನ್ನು ಯಾರೂ ರಕ್ಷಣೆ ಮಾಡುವ ವಿಚಾರ ಇಲ್ಲ. ಉನ್ನತ ಪೋಲಿಸ್ ಅಧಿಕಾರಿಗಳೊಂದಿಗೆ ಸಮಾಲೋಚನೆ ಮಾಡಿ ತನಿಖೆಯ ಬಗ್ಗೆ ಕ್ರಮ ಕೈಗೋಳ್ಳುತ್ತೇವೆ. ಕಾರ್ತಿಕ್ ಕುಟುಂಬಕ್ಕೆ ಸಮಾದಾನವಿಲ್ಲದಿದ್ದರೆ ಇತರೆ ತನಿಖಾ ಸಂಸ್ಥೆಗಳ ಮೂಲಕ ತನಿಖೆ ನಡೆಸುವ ಬಗ್ಗೆ ಪರಿಶೀಲನೆ ಮಾಡುತ್ತೇವೆ. ಪೊಲೀಸರ ವಿಫಲತೆ ಏನಾದರೂ ನಡೆದಿದ್ದರೆ ಇಲಾಖೆಯ ಬಗ್ಗೆ ತನಿಖೆಯನ್ನು ನಡೆಸಲು ಒತ್ತಾಯ ಮಾಡುತ್ತೇವೆ ಎಂದರು.