ಕಾಸರಗೋಡು: ನಕಲಿ ನಂಬರ್ ಪ್ಲೇಟ್ ಬಳಸಿ ಮದ್ಯ ಸಾಗಾಟ

•   Mon, Sep 09 2019 05:59:47 PM



• ಕಾಸರಗೋಡು, ಸೆ 09 (Daijiworld News/MSP): ನಕಲಿ ನಂಬರ್ ಪ್ಲೇಟ್ ಲಗತ್ತಿಸಿದ ಕಾರಿನಿಂದ ಮದ್ಯವನ್ನು ಕುಂಬಳೆ ಪೊಲೀಸರು ವಶಪಡಿಸಿಕೊಂಡಿದ ಘಟನೆ ಸೆ. 09 ರ ಸೋಮವಾರ ನಡೆದಿದೆ.

  

  

  ಪೊಲೀಸರಿಗೆ ಲಭಿಸಿದ ಖಚಿತ ಮಾಹಿತಿಯಂತೆ ರಾಷ್ಟ್ರೀಯ ಹೆದ್ದಾರಿಯ ಬಂದ್ಯೋಡುನಲ್ಲಿ ವಾಹನ ತಪಾಸಣೆ ನಡೆಸಿದಾಗ ಅತೀ ವೇಗದಿಂದ ಬಂದ ಕಾರು ನಿಲ್ಲಿಸದೆ ಪರಾರಿಯಾಗಿದ್ದು, ಅತೀ ವೇಗವಾಗಿ ಪರಾರಿಯಾದ ಕಾರು ಐದಕ್ಕೂ ಅಧಿಕ ವಾಹನಗಳಿಗೆ ಡಿಕ್ಕಿ ಹೊಡೆದಿದ್ದು , ಪೊಲೀಸರು ಬೆನ್ನಟ್ಟಿದಾಗ ಬಂಬ್ರಾಣ ಬಾಯಿಕಟ್ಟೆ ಸಮೀಪ ಕಾರನ್ನು ಬಿಟ್ಟು ಚಾಲಕ ಪರಾರಿಯಾಗಿದ್ದಾನೆ.

  ಕಾರನ್ನು ತಪಾಸಣೆ ನಡೆಸಿದಾಗ ಮದ್ಯ ಪತ್ತೆಯಾಗಿದೆ. 31 ಬಾಕ್ಸ್ ಗಳಲ್ಲಿ 1772 ಪ್ಯಾಕೆಟ್ ಮದ್ಯ ಪತ್ತೆಯಾಗಿದೆ.ಆರೋಪಿಗಾಗಿ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ .