ಮಂಗಳೂರು: ಕುಸಿದು ಬಿದ್ದ ಆವರಣ ಗೋಡೆ - ಇಬ್ಬರು ಮಕ್ಕಳ ಸಾವು

•   Sun, Sep 08 2019 09:21:42 PM



• ಮಂಗಳೂರು, ಸೆ.08(Daijiworld News/SS): ನಗರದ ಪಡೀಲ್ ಕೊಡೆಕಲ್ ಸಮೀಪದ ಶಿವನಗರ ಎಂಬಲ್ಲಿ ಮನೆಯ ಆವರಣ ಗೋಡೆ ಕುಸಿದು ಬಿದ್ದ ಪರಿಣಾಮ ಇಬ್ಬರು ಮಕ್ಕಳು ಸಾವನ್ನಪ್ಪಿದ್ದಾರೆ.

  

  

  

  ಮೃತರಾಗಿರುವ ಮಕ್ಕಳನ್ನು ವರ್ಷಿನಿ (10) ಮತ್ತು ವೇದಾಂತ (6) ಎಂದು ಗುರುತಿಸಲಾಗಿದೆ. ಈ ಇಬ್ಬರು ಮಕ್ಕಳು ಮನೆಯ ಆವರಣ ಗೋಡೆಯ ಸಮೀಪ ಕುಳಿತು ಓದುತ್ತಿದ್ದ ವೇಳೆ ಅವಘಡ ಸಂಭವಿಸಿದೆ ಎನ್ನಲಾಗಿದೆ. 

  ಗೋಡೆಯ ಅವಶೇಷಗಳಡಿ ಸಿಲುಕಿದ್ದ ಮಕ್ಕಳನ್ನು ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ, ಅಷ್ಟರಲ್ಲಾಗಲೇ ಮಕ್ಕಳು ಮೃತಪಟ್ಟಿದ್ದರು ಎಂದು ಮೂಲಗಳು ತಿಳಿಸಿವೆ. ಘಟನೆ ನಡೆದ ಸ್ಥಳಕ್ಕೆ ಮಂಗಳೂರು ನಗರ ಪೋಲಿಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.