ವಿಟ್ಲ: ಆಡು ಸಾಗಾಟದ ಲಾರಿಗೆ ಕಾಲೇಜು ಬಸ್‌ ಢಿಕ್ಕಿ

•   Fri, Sep 06 2019 06:10:35 PM



• ವಿಟ್ಲ, ಸೆ 06 (Daijiworld News/MSP): ಕಾಲೇಜು ಬಸ್ ಹಾಗೂ ಆಡು ಸಾಗಾಟ ಮಾಡುತ್ತಿದ್ದ ಲಾರಿ ನಡುವೆ ಅಪಘಾತ ಸಂಭವಿಸಿ ಹಲವು ಆಡುಗಳು ಸ್ಥಳದಲ್ಲಿ ಮೃತಪಟ್ಟ, ಘಟನೆ ವಿಟ್ಲ ಸಮೀಪದ ಮಾಣಿಯ ಮಿತ್ತೂರಿನಲ್ಲಿ ಸೆ 06ರ ಶುಕ್ರವಾರ ನಡೆದಿದೆ.

   

   

   

  ಪುತ್ತೂರಿನ ಕುಂಬ್ರದ ಮರ್ಕಝ್ ಹುದಾ ಮಹಿಳಾ ಕಾಲೇಜಿಗೆ ಸೇರಿದ ಬಸ್ ಕಾಲೇಜು ವಿದ್ಯಾರ್ಥಿನಿಗಳಿದ್ದು ಈ ವೇಳೆ ಮಾಣಿ-ಮೈಸೂರು ರಾಜ್ಯ ಹೆದ್ದಾರಿಯ ಮಿತ್ತೂರು ಎಂಬಲ್ಲಿ ಮಂಗಳೂರಿನಿಂದ ಪುತ್ತೂರು ಕಡೆಗೆ ಆಡು ಮತ್ತು ಕುರಿಗಳನ್ನು ಸಾಗಾಟ ಮಾಡುತ್ತಿದ್ದ ಲಾರಿ ಮುಖಾಮುಖಿ ಡಿಕ್ಕಿ ಹೊಡೆದಿದೆ.

  ಘಟನೆಯಲ್ಲಿ ಪವಾಡಸದೃಶ್ಯವಾಗಿ ಕಾಲೇಜು ವಿದ್ಯಾರ್ಥಿನಿಯರು ಯಾವುದೇ ಗಾಯಗಲಿಲ್ಲದೆ ಪಾರಾಗಿದ್ದಾರೆ. ಅಪಘಾತದ ಪರಿಣಾಮ ಲಾರಿ ರಸ್ತೆಗೆ ಉರುಳಿದೆ. ಅದರಲ್ಲಿದ್ದ ಅಂದಾಜು 15ಕ್ಕಿಂತಲೂ ಅಧಿಕ ಆಡು ಮತ್ತು ಕುರಿ ಮೃತಪಟ್ಟಿದೆ. ಇನ್ನು ಕೆಲವು ಗಾಯಾಳು ಆಡುಗಳು ತುಂಬಾ ಹೊತ್ತು ಸ್ಥಳದಲ್ಲೇ ನರಳಾಡುತ್ತಿರುವುದು ಕಂಡುಬಂತು. ಘಟನೆಯಲ್ಲಿ ಕಾಲೇಜು ಬಸ್ಸಿನ ಮುಂಭಾಗ ಜಖಂಗೊಂಡಿದ್ದು ಸ್ಥಳಕ್ಕೆ ವಿಟ್ಲ ಪೊಲೀಸರು ಭೇಟಿ ನೀಡಿದ್ದಾರೆ.