ಕಾಸರಗೋಡು: ಮಂಜೇಶ್ವರ ಚರ್ಚ್ ಮೇಲೆ ದಾಳಿ ಪ್ರಕರಣ-ಹೋರಾಟಕ್ಕೆ ಬೆಂಬಲ ವ್ಯಕ್ತಪಡಿಸಿದ ಬಿಜೆಪಿ ರಾಜ್ಯ ಪ್ರಧಾನ ಕಾರ್ಯದರ್ಶಿ ಸುರೇಂದ್ರನ್

•   Thu, Sep 05 2019 07:57:59 PM



• ಕಾಸರಗೋಡು, ಸೆ 05 (DaijiworldNews/SM): ದುಷ್ಕರ್ಮಿಗಳಿಂದ ದಾಳಿಗೊಳಗಾದ ಮಂಜೇಶ್ವರ ಅವರ್ ಲೇಡಿ ಆಫ್ ಮೆರ್ಸಿ ಚರ್ಚ್ ಗೆ ಬಿಜೆಪಿ ರಾಜ್ಯ ಪ್ರಧಾನ ಕಾರ್ಯದರ್ಶಿ ಕೆ. ಸುರೇಂದ್ರನ್ ಭೇಟಿ ನೀಡಿದರು. ಬಳಿಕ ಧರ್ಮಗುರು ಫಾದರ್ ವಿನ್ಸೆಂಟ್ ಸಲ್ಡಾನ್ಹಾ ರವರಿಂದ ಮಾಹಿತಿ ಪಡೆದರು.

  

  

  

  

  

  ಬಳಿಕ ಮಾತನಾಡಿದ ಅವರು, ಪೂರ್ವಯೋಜಿತವಾಗಿ ಈ ಚರ್ಚ್ ಮೇಲೆ ದಾಳಿ ನಡೆಸಲಾಗಿದೆ. ಪೊಲೀಸರುಗೆ ಮಾಹಿತಿ ಲಭಿಸಿಯೂ ಪೊಲೀಸರು ಆರೋಪಿಗಳನ್ನು ಬಂಧಿಸದಿರುವುದು ಖೇದಕರವಾಗಿದೆ. ಈ ಪರಿಸರದಲ್ಲಿನ ಕೆಲ ಮಾಫಿಯಾ ತಂಡ ಈ ಕೃತ್ಯದ ಹಿಂದೆ ಇದೆ ಎಂಬ ಸಂಶಯ ನಮಗಿದೆ.

  ಪೊಲೀಸರು ಅವರನ್ನು ರಕ್ಷಿಸಲು ಪ್ರಯತ್ನಿಸುತ್ತಾರೆ. ಕೆಲ ರಾಜಕೀಯ ನಾಯಕರ ಬೆಂಬಲ ಆರೋಪಿಗಳಿಗೆ ಇದೆಯೇ ಎಂಬ ಸಂಶಯ ಹೆಚ್ಚುತ್ತಿದೆ . ಪೋಲೀಸರ ಮೇಲೆ ಒತ್ತಡ ಹಾಕಿ ಆರೋಪಿಗಳ ಸಂರಕ್ಷಣೆಗೆ ಯತ್ನಿಸುತ್ತಿದೆ. ಅಲ್ಪಸಂಖ್ಯಾ೦ತರ ಬಗ್ಗೆ ಮಾತನಾಡುವ ಕೇರಳ ಸರಕಾರ ಕ್ರೈಸ್ತ ದೇವಾಲಯದ ಮೇಲೆ ನಡೆದ ದಾಳಿಯ ಆರೋಪಿಗಳನ್ನು ಬಂಧಿಸಲು ವಿಫಲವಾಗಿದೆ. ಇದರಿಂದ ತೀವ್ರ ಹೋರಾಟದ ಅಗತ್ಯ ಇದೆ. ಹೋರಾಟಕ್ಕೆ ನಮ್ಮ ಸಂಪೂರ್ಣ ಬೆಂಬಲ ನೀಡುತ್ತೇವೆ ಎಂದು ಭರವಸೆ ನೀಡಿದರು.