ಗಂಗೊಳ್ಳಿ: ದ್ವಿಚಕ್ರ ವಾಹನಗಳಿಗೆ ಕಾರು ಢಿಕ್ಕಿ - ಓರ್ವ ಯುವಕ ಸಾವು - ಮೂವರು ಗಂಭೀರ

•   Sat, Aug 31 2019 05:37:39 PM



• ಗಂಗೊಳ್ಳಿ, ಆ 31 (Daijiworld News/MSP): ಎರಡು ಬೈಕ್ ಗಳಿಗೆ ಕಾರೊಂದು ಢಿಕ್ಕಿ ಹೊಡೆದ ಪರಿಣಾಮ ಓರ್ವ ಯುವಕ ಸಾವನ್ನಪ್ಪಿ, ಮೂವರು ಗಂಭೀರಗೊಂಡ ಘಟನೆ ಗಂಗೊಳ್ಳಿ ಸಮೀಪ ನಾಯಕವಾಡಿಯಲ್ಲಿ ನಡೆದಿದೆ.

  

  

  

  

  ಮೃತಪಟ್ಟ ಯುವಕನನ್ನು ಮುಝಮ್ಮಿಲ್ ಎಂಬವರ ಪುತ್ರ ಮೊಹಮ್ಮದ್ ತಾರೀಕ್ ಎಂ.ಎಚ್ (23) ಎಂದು ಗುರುತಿಸಲಾಗಿದೆ. 

  ಶನಿವಾರ ಮಧ್ಯಾಹ್ನ 2.15ರ ಸುಮಾರಿಗೆ ನಾಯಕವಾಡಿಯ ರಾಮ ಮಂದಿರದ ಎದುರು ಘಟನೆ ನಡೆದಿದ್ದು, ತ್ರಾಸಿ ಕಡೆಯಿಂದ ಗಂಗೊಳ್ಳಿ ಕಡೆಗೆ ಬರುತ್ತಿದ್ದ ಬೈಕುಗಳಿಗೆ ಗಂಗೊಳ್ಳಿಯಿಂದ ತ್ರಾಸಿ ಕಡೆ ಹೋಗುತ್ತಿದ್ದ ಕಾರು ಡಿಕ್ಕಿ ಹೊಡೆದಿದೆ.

  ಇನ್ನೊಂದು ಬೈಕಿನಲ್ಲಿದ್ದ ನಾಯಕವಾಡಿಯ ನಿವಾಸಿ ರವಿ ಹಾಗೂ ನರಸಿಂಹ , ಕಾರು ಚಾಲಕ ಮೌಲಾನಾ ಆಜ್ಗರ್ ಸಹ ಗಂಭೀರವಾಗಿ ಗಾಯಗೊಂಡಿದ್ದು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಮೂವರನ್ನೂ ಉಡುಪಿ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸ್ಥಳಕ್ಕೆ ಗಂಗೊಳ್ಳಿ ಪೊಲೀಸರ ಭೇಟಿ ಪರಿಶೀಲನೆ ನಡೆಸಿದ್ದಾರೆ.