ಕಾಸರಗೋಡು: 12 ವರ್ಷ ಬಳಿಕ ತಲೆ ಮರೆಸಿಕೊಂಡಿದ್ದ ಕೊಲೆ ಆರೋಪಿಯ ಬಂಧನ

•   Fri, Aug 30 2019 07:25:09 PM



• ಕಾಸರಗೋಡು, ಆ 30 (DaijiworldNews/SM): ಎರಿಯಾಲ್ ನ ಆಬಿದ್ ಕೊಲೆ ಸೇರಿದಂತೆ ಹಲವು ಪ್ರಕರಣಗಳ ಆರೋಪಿಯನ್ನು ಕಾಸರಗೋಡು ಪೊಲೀಸರು ಬಂಧಿಸಿದ್ದಾರೆ. ಬಂಧಿತನನ್ನು ಕುಂಬಳೆ ಪೇರುವಾಡಿನ ಶಂಶು(36) ಎಂದು ಗುರುತಿಸಲಾಗಿದೆ.

  

  2007 ರಲ್ಲಿ ನಗರ ಹೊರವಲಯದ ಆಬಿದ್ ಎಂಬ ಯುವಕನ ಕೊಲೆಗೆ ಸಂಬಂಧಪಟ್ಟಂತೆ ಈತನನ್ನು ಬಂಧಿಸಲಾಗಿದೆ. ಆಬಿದ್ ಕೊಲೆ ಬಳಿಕ ಈತ ಗಲ್ಫ್ ಗೆ ತೆರಳಿ ತಲೆಮರೆಸಿಕೊಂಡಿದ್ದ. ಈತ ಊರಿಗೆ ಮರಳಿರುವ ಬಗ್ಗೆ ಪೊಲೀಸರಿಗೆ ಲಭಿಸಿದ ಮಾಹಿತಿಯಂತೆ ಬಂಧಿಸಲಾಗಿದೆ.

  2008ರಲ್ಲಿ ಕಾಸರಗೋಡು ನಗರ ವ್ಯಾಪ್ತಿಯಲ್ಲಿ ಓರ್ವನ ಕೊಲೆಯತ್ನ, 2009ರಲ್ಲಿ ವ್ಯಾಪಾರಿಯ ಅಪಹರಣ ಸೇರಿದಂತೆ ಹಲವು ಪ್ರಕರಣಗಳಲ್ಲಿ ಈತ ಆರೋಪಿಯಾಗಿದ್ದಾನೆ. ಕುಂಬಳೆ ಮತ್ತು ಮಂಜೇಶ್ವರ ಪೊಲೀಸ್ ಠಾಣೆಗಳಲ್ಲಿ ಈತನ ವಿರುದ್ಧ ಮೊಕದ್ದಮೆ ದಾಖಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.