ಮಂಗಳೂರು: ಪೊಲೀಸ್ ಹಾಗೂ ಪತ್ರಕರ್ತರ ನಡುವೆ ಕ್ರಿಕೆಟ್ ಪಂದ್ಯಾಟ

•   Mon, Dec 25 2017 12:16:26 PM



• 
  ಮಂಗಳೂರು ಡಿ 25 : ಜಿಲ್ಲೆಯ ಪೊಲೀಸರು ಮತ್ತು ಪತ್ರಕರ್ತರ ನಡುವೆ ಕ್ರಿಕೆಟ್ ಪಂದ್ಯಾಟ ಡಿ 24 ರ ರವಿವಾರ ನಗರದ ನೆಹರು ಮೈದಾನದಲ್ಲಿ ನಡೆಯಿತು.ಆಟದಲ್ಲಿ ಒಟ್ಟು ೪ ತಂಡಗಳು ಭಾಗವಹಿಸಿದ್ದವು. ಕ್ರಿಕೆಟ್ ಮ್ಯಾಚ್ ನ್ನು ಜಿಲ್ಲಾಧಿಕಾರಿ ಸಸಿಕಾಂತ್ ಸೆಂಥಿಲ್ ಮತ್ತು ಮಂಗಳೂರು ನಗರ ಪೊಲೀಸ್ ಆಯುಕ್ತ ಟಿ. ಆರ್ ಸುರೇಶ್ ಉದ್ಘಾಟಿಸಿದರು. ಪಂದ್ಯದಲ್ಲಿ ಒಟ್ಟು ನಾಲ್ಕು ತಂಡಗಳು ಭಾಗವಹಿಸಿದ್ದವು. ಎಸ್ಪಿ ನೇತೃತ್ವದ ದ.ಕ ಪೊಲೀಸ್ ತಂಡ, ಮಾರುತಿ ನಾಯ್ಕ್ ನೇತೃತ್ವದ ಪೊಲೀಸ್ ಕಮೀಷನರ್ ತಂಡ , ಅಗರದ ಪತ್ರಕರ್ತರ ತಂಡ ಹಾಗೂ ಗ್ರಾಮೀಣ ಪತ್ರಕರ್ತರ ತಂಡಗಳು ಭಾಗವಹಿಸಿದ್ದವು. ಸೆಮಿಫೈನಲ್ ನಲ್ಲಿ ಸಿಟಿ ಪೊಲೀಸ್ ಮತ್ತು ಎಸ್ಪಿ ತಂಡ ಜಯಗಳಿಸಿ ಫೈನಲ್ ಗೇರಿ ಎಸ್ಪಿ ತಂಡ ವಿಜಯಿಯಾಯಿತು.

  ಸೆಂಚುರಿ ಬಾರಿಸಿದ ಶಿವಕುಮಾರ್
  10 ಓವರ್‌ಗಳ ಸೆಮಿಫೈನಲ್ ಪಂದ್ಯಾಟದಲ್ಲಿ ದಕ್ಷಿಣ ಕನ್ನಡ ಎಸ್ಪಿ ತಂಡದ ಶಿವಕುಮಾರ್ ಪೊಲೀಸ್ ಕಮಿಷನರ್ ತಂಡದ ವಿರುದ್ಧ 104 ರನ್ ಬಾರಿಸುವ ಮೂಲಕ ಕ್ರೀಡಾಭಿಮಾನಿಗಳನ್ನು ಮನರಂಜಿಸಿದರು. ಈ ಸೆಂಚುರಿಯಲ್ಲಿ 14 ಸಿಕ್ಸ್ ಹಾಗೂ 4 ಬೌಂಡರಿ ಒಳಗೊಂಡಿದೆ.