ಉಳ್ಳಾಲ: ಕೆಲಸಕ್ಕೆಂದು ತೆರಳಿದ್ದ ಯುವಕ ನಾಪತ್ತೆ

•   Thu, Aug 29 2019 08:33:08 PM



• ಉಳ್ಳಾಲ, ಆ 29 (DaijiworldNews/SM): ಮನೆಯಿಂದ ಕೆಲಸಕ್ಕೆ ತೆರಳಿದ ಯುವಕನೊಬ್ಬ ನಾಪತ್ತೆಯಾಗಿರುವ ಘಟನೆ ಕೋಟೆಕಾರ್ ನಲ್ಲಿ ನಡೆದಿದೆ. ಕೋಟೆಕಾರು ಮಾಡೂರು ನಿವಾಸಿ ಮುಹಮ್ಮದ್ ಅಲ್ತಾಪ್(24) ನಾಪತ್ತೆಯಾಗಿರುವ ಯುವಕ.

  

  ಬುಧವಾರದಂದು ಬೆಳಿಗ್ಗೆ ಮನೆಯಿಂದ ಮಂಗಳೂರಿಗೆ ಕೆಲಸಕ್ಕೆಂದು ಹೋದವನು ಗುರುವಾರ ಬೆಳಿಗ್ಗಿನ ತನಕ ಮನೆಗೆ ಬಾರದೆ ನಾಪತ್ತೆಯಾಗಿದ್ದರು. ಕೆಲಸದ ಕಡೆ ವಿಚಾರಿಸಿದಾಗ ಕೆಲಸಕ್ಕೂ ಹೋಗಿಲ್ಲ ಎಂದು ತಿಳಿದುಬಂದಿದೆ. ಅತ್ತ ಕೆಲಸಕ್ಕೂ ಹೋಗದೆ, ಇತ್ತ ಮನೆಗೂ ಬಾರದೆ ಯುವಕ ನಾಪತ್ತೆಯಾಗಿದ್ದಾನೆ.

  ಇನ್ನು ಆತನ ಮೊಬೈಲ್ ಗೆ ಕರೆ ಮಾಡಲಾಗಿದ್ದು, ಮೊಬೈಲ್ ಕೂಡ ಸ್ವಿಚ್ ಆಫ್ ಆಗಿದೆ. ಈ ಹಿನ್ನೆಲೆ ಮನೆ ಮಂದಿ ಉಳ್ಳಾಲ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ತೀವ್ರಗೊಳಿಸಿದ್ದಾರೆ.