ಸುಳ್ಯ: ವೃದ್ಧೆಯನ್ನು ರಕ್ಷಿಸುವ ಭರದಲ್ಲಿ ಬರೆಗೆ ಡಿಕ್ಕಿಯಾದ ಕಾರು-ವೃದ್ಧೆ ಅಪಾಯದಿಂದ ಪಾರು

•   Wed, Aug 28 2019 10:02:08 PM



• ಸುಳ್ಯ, ಆ 28 (DaijiworldNews/SM): ರಸ್ತೆಗೆ ಅಡ್ಡ ಬಂದ ವೃದ್ಧೆಯೊಬ್ಬರನ್ನು ರಕ್ಷಿಸಲು ಹೋಗಿ ಕಾರೊಂದು ಅಪಘಾತಕ್ಕೀಡಾಗಿ ನಜ್ಜುಗುಜ್ಜಾದ ಘಟನೆ ಮಾಣಿ- ಮೈಸೂರು ರಸ್ತೆಯ ಕಡೆಪಾಲ ಎಂಬಲ್ಲಿ ನಡೆದಿದೆ. ಪಾದಚಾರಿ ವೃದ್ದೆ ದೇಜೋಳು(75) ಎಂಬ ವೃದ್ಧೆ ರಸ್ತೆಗೆ ಅಡ್ಡ ಬಂದಿದ್ದಾರೆ. ಈ ಸಂದರ್ಭದಲ್ಲಿ ವೇಗವಾಗಿ ಬಂದ ಕಾರು ವೃದ್ಧೆಯನ್ನು ರಕ್ಷಿಸುವ ಭರದಲ್ಲಿ ಬರೆಗೆ ಡಿಕ್ಕಿ ಹೊಡೆದಿದೆ.

  

  ಕಲ್ಲುಗುಂಡಿ ಹೋಟೆಲ್ ಒಂದರಲ್ಲಿ ಚಾ ಕುಡಿದು ವೃದ್ಧೆ ರಸ್ತೆಯಲ್ಲಿ ನಡೆದುಕೊಂಡು ತನ್ನ ಮನೆ ದೊಡ್ಡಡ್ಕದತ್ತ ಹೋಗುತ್ತಿದ್ದರು. ಈ ಸಂದರ್ಭ ಕಾರು ಬಂದಿದ್ದು, ಆಕೆಗೆ ಡಿಕ್ಕಿ ಹೊಡೆಯುವುದನ್ನು ತಪ್ಪಿಸಲು ಚಾಲಕ ಪ್ರಯತ್ನಿಸಿದ್ದಾಗ ಕಾರು ಬರೆಗೆ ಡಿಕ್ಕಿ ಹೊಡೆದಿದೆ. ಘಟನೆಯಲ್ಲಿ ಕಾರಿನ ಮುಂಭಾಗ ಜಖಂಗೊಂಡಿದೆ. ವೃದ್ಧೆ ಅಪಾಯದಿಂದ ಪಾರಾಗಿದ್ದಾರೆ.

  ಕಾರು ಕೇರಳದ ಪಾನತ್ತೂರಿನದಾಗಿದ್ದು ಬೆಂಗಳೂರಿಗೆ ತೆರಳುತ್ತಿದ್ದರು ಎಂದು ತಿಳಿದು ಬಂದಿದೆ.