ಕಾರ್ಕಳ: ರಾಷ್ಟ್ರಮಟ್ಟದ ಯೋಗಾಸನ ಸ್ಪರ್ಧೆಯಲ್ಲಿ ಚಿನ್ನದ ಪದಕಕ್ಕೆ ಕೊರಳೊಡ್ಡಿದ ಅನನ್ಯ

•   Tue, Aug 27 2019 05:01:57 PM



• ಕಾರ್ಕಳ,ಆ 27 (Daijiworld News/RD): ಬೆಂಗಳೂರು ಫ್ರೀಡಂ ಪಾರ್ಕ್‌ನಲ್ಲಿ ನಡೆದ 5ನೇ ರಾಷ್ಟ್ರಮಟ್ಟದ ಯೋಗಾಸನ ಸ್ಪರ್ಧೆಯಲ್ಲಿ ಹೆರ್ಮುಂಡೆ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿನಿ ಅನನ್ಯ ಪೂಜಾರಿ ಭಾಗವಹಿಸಿ ಪ್ರಥಮ ಸ್ಥಾನಿಯಾಗಿ ಚಿನ್ನದ ಪದಕ ಗಳಿಸಿರುತ್ತಾರೆ.

  

  ನಾಲ್ಕು ಸ್ಪರ್ಧೆಗಳಲ್ಲಿ ಅನನ್ಯ ಪಾಲ್ಗೊಂಡಿದ್ದು, ಚಿನ್ನದ ಪದಕವನ್ನು ತನ್ನದಾಗಿಸಿಕೊಂಡಿದ್ದಾರೆ. ಇವರು ಕಾರ್ಕಳ ಹೆರ್ಮುಂಡೆ ಗ್ರಾಮದ ಕಾರ್ಯಂಬೆಟ್ಟು ರಮೇಶ್ ಪೂಜಾರಿ ಹಾಗೂ ಸರೋಜಿನಿ ಪೂಜಾರಿ ಅವರ ಸುಪುತ್ರಿ.

  ರಾಷ್ಟ್ರಮಟ್ಟದ ಯೋಗಾಸನ ಸ್ಪರ್ಧೆಯಲ್ಲಿ ಚಿನ್ನದ  ಪದಕಕ್ಕೆ  ಕೊರಳೊಡ್ಡಿದ ಇವರು, ಈ ಮೂಲಕ  ಅಕ್ಟೋಬರ್ 12 ರಂದು ಮಲೇಶ್ಯಾದಲ್ಲಿ ಜರಗುವ ಅಂತರಾಷ್ಟ್ರೀಯ ಮಟ್ಟದ ಯೋಗಾಸನ ಸ್ಪರ್ಧೆಗೆ  ಭಾರತವನ್ನು ಪ್ರತಿನಿಧಿಸಲು ಆಯ್ಕೆಯಾಗಿರುತ್ತಾರೆ.