ಮಂಗಳೂರು: ಟೋಯಿಂಗ್ ವಾಹನಕ್ಕೆ ಬುಲೆಟ್ ಬೈಕ್ ಢಿಕ್ಕಿ- ಸವಾರ ಸಾವು

•   Tue, Aug 27 2019 04:39:45 PM



• ಮಂಗಳೂರು,ಆ 27 (Daijiworld News/RD): ನಗರದ ನೇತ್ರಾವತಿ ಸೇತುವೆಯಲ್ಲಿ ಟೋಯಿಂಗ್ ವಾಹನಕ್ಕೆ ಬುಲೆಟ್ ಬೈಕ್  ಡಿಕ್ಕಿ ಹೊಡೆದು, ಸವಾರ ಮೃತಪಟ್ಟಿರುವ  ಘಟನೆ ಆ.27ರ ಮಂಗಳವಾರ ನಡೆದಿದೆ.

  

  ಮೃತವ್ಯಕ್ತಿ ಅಬೀಷ್ ನಾಯರ್ ಅಗಿದ್ದು, ಈತ ತೊಕ್ಕೊಟ್ಟು ಸಮೀಪದ ಪಂಡಿತ್ ಹೌಸ್ ನ ನಿವಾಸಿ. ಟೋಯಿಂಗ್ ವಾಹನಕ್ಕೆ ಹಿಂಬದಿಯಿಂದ ಬುಲೆಟ್ ಬೈಕ್ ಢಿಕ್ಕಿಯಾಗಿದ್ದು, ಇದರ ಪರಿಣಾಮ ಸವಾರ ರಸ್ತೆಗೆಸೆಯಲ್ಪಟ್ಟರು. ಇದರಿಂದಾಗಿ ಗಂಭೀರ ಗಾಯಗೊಂಡಿದ್ದ ಅಬೀಷ್ ನಾಯರ್ ನನ್ನು ಸ್ಥಳೀಯರು ಕೂಡಲೇ ಯೆನೆಪೋಯಾ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಆದರೆ ಚಿಕಿತ್ಸೆ ಫಲಕಾರಿಯಾಗದೆ ಸಾವನ್ನಪ್ಪಿದ್ದಾನೆ. 

  ಸ್ಥಳಕ್ಕೆ ಮಂಗಳೂರು ದಕ್ಷಿಣ ಸಂಚಾರ ಪೊಲೀಸರು ಭೇಟಿ ನೀಡಿ, ಪರಿಶೀಲನೆ ನಡೆಸಿದ್ದಾರೆ.