ಮೂಡುಬಿದಿರೆ: ದ್ವಿಚಕ್ರ ವಾಹನಗಳು ಡಿಕ್ಕಿ- ವೃದ್ಧ ಸಾವು

•   Mon, Aug 26 2019 12:32:51 PM



• ಮೂಡುಬಿದಿರೆ,ಆ 26 (Daijiworld News/RD): ಬೆಳುವಾಯಿ- ದರೆಗುಡ್ಡೆ ರಸ್ತೆಯಲ್ಲಿ ದ್ವಿಚಕ್ರ ವಾಹನಗಳೆರೆಡು ಮುಖಾಮುಖಿ ಡಿಕ್ಕಿ ಹೊಡೆದಿದ್ದು, ವೃದ್ಧ ಮೃತಪಟ್ಟಿರುವ ಘಟನೆ ಆ. 25 ರ ಭಾನುವಾರ ನಡೆದಿದೆ.

  

  ಬಶೀರ್ ಸಾಹೇಬ್(60) ಮೃತ ವ್ಯಕ್ತಿಯಾಗಿದ್ದು, ಬೆಳುವಾಯಿ ಅಳಿಯೂರು ರಸ್ತೆಯಲ್ಲಿ ಹಾರ್ಡವೇರ್ ಅಂಗಡಿ ನಡೆಸುತ್ತಿದ್ದ, ಅಂಗಡಿಯಿಂದ ಮನೆಗೆ   ಹೋಗುತ್ತಿದ್ದ ಸಂದರ್ಭದಲ್ಲಿ ಎದುರಿನಿಂದ ಬರುತ್ತಿದ್ದ ಮತ್ತೊಂದು ದ್ವಿಚಕ್ರ ವಾಹನ ಢಿಕ್ಕಿ ಹೊಡೆದು ಈ ಘಟನೆ ಸಂಭವಿಸಿದೆ. ಗಂಭೀರ ಗಾಯಗೊಂಡಿದ್ದ ಬಶೀರ್ ನನ್ನು ಕಾರ್ಕಳದ ಆಸ್ಪತ್ರೆಗೆ ರವಾನಿಸದರೂ, ದಾರಿಯ ಮಧ್ಯದಲ್ಲಿ ಕೊನೆಯುಸಿರೆಳೆದಿದ್ದಾರೆ. ಮೃತರು ಪತ್ನಿ ಹಾಗೂ ಇಬ್ಬರು ಪುತ್ರಿಯರನ್ನು ಅಗಲಿದ್ದಾರೆ.

  ಢಿಕ್ಕಿ ಹೊಡೆದ ದ್ವಿಚಕ್ರ ವಾಹನವನ್ನು  ಸ್ವರೂಪ್ ಚಲಾಯಿಸುತ್ತಿದ್ದ ಎಂದು ತಿಳಿದು ಬಂದಿದೆ. ಈ ಬಗ್ಗೆ ಮೂಡುಬಿದಿರೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.